KHAH, MINUNG PAHNIH AN I ZUK PHIAT CANG HIH

Min Aung Hlaing Kai a Timhnak Asian Ram Hruaitu Tonpumhnak ah Thai Prime Minister le Philippines President an Kai Lai Lo. April 24 ah tuah dingmi Asian ramhruaitu pawl tonpumhnak Asian Summit ah Philippines President Rodrigo Duterte le Thai Prime Minister Prayut Chan-o-cha an kai lai lo, tiah thawng an thanh. Ramchung COVID-19 zawtnak kong ah luhlinh deuh in rianttuan an duh caah an kai kho lai lo, tiah Thai le Philippines ramleng vuanci zung pawl nih thawng an thanh.

Duterte le Prayut pumpak in Asian Summit an kai lai lo nain anmah aiawhtu ah ramleng vuanci pawl an thlah hna lai.April 24 ah Indonesia ram, Jakarta khuapi ah tuah dingmi Asian Summit ah Myanmar ram uknak chuttu Min Aung Hlaing an sawm ve caah duhlonak le soiselnak tampi a um.Indonesia zatlang bu pawl nih Min Aung Hlaing a rak kai ahcun duhlo langhternak kan tuah lai, tiah timhtuahnak zong an ngei. Credit:The Chin Journal

Senior General Min Aung Hlaing slams UN report | The Myanmar Times

Relchih:Kawlram minthang Minta Min Maw Kun biachim cu lung zong a fak, i ngeih zong a chia ngaingai. Alungput fiang tein a pa konghe pehtlaiin thilsining a langhter cang. Min Maw Kun nih a timi cu kei cu thlacam dah tilo cu tuah khawh mi zeihmanh ka ngei lo ee tiah a chim. Ralhrang kawlralkap hna nih ka pa an tleihmi kongah thawngthar zeihmanh ka thei lo.

Atu hi zarhkhat a si cang nain a konglam zeihmanh ka thei rih lo tiah a chim. Apeh rih tthan mi cu Ka pa nih bia aka cah bangin ka pa chuahnak dingah voikhat te hmanh ka holh bal rih lo. Tuni tiang ka pa konglam hi zeihmanh kan thei rih lo, Thlacamnak dah tilo cun zeihmanh tuah khawh mi kan ngei lo. Kan dirnak ahman in a dik timi theihnak dingah thlalang ka zoh tawn.

Thlalang zoh in kan ningzah a zah lonak dingah siseh ka fale hna mualpho in an lonak dingah a zungzal in kapa dir bantukin ka dirpeng ko lai lai tiah a chim. Min Maw Kun apa Zin Wine cu biatak tein ralkap uknak doh in a cawlcang mi a si ruangah ralhrang kawlralkap hna nih April ni 15 ah khan an tleih.

Ralhrang kawlralkap hna nih hin Min Maw Kun zong tleih dingin a umnak inn ah an kal hnawh ve. Asinain inn ah a um lo ruangah an tlai kho lo. Ralkap tuahsernak biatak tein a doh ve mi a si. Apa an tleihnak hi atu in zarhpi zarhkhat chung asi cang. Asinain a thawngpang zeihmanh an theih lonak kong tutan ah a vun langhter hi a si.

Hi konghe pehtlaiin Kawlralkap ralhrang hna nih uknak an lakmi konghe pehtlaiin Kawlram minthang minta mintami pawl hna cu tampi an tleih cang hna. Cuticun minung tampi an tleih hna i, an tleih khawh lomi hna zong tampi an um ve rih hna. Cu chungah kanmah laimi kawlram minthang tthenkhat hna zong ralhrang kawlralkap hna nih tleih dingin nawl an chuah ve hna.

Be the first to comment

Leave a Reply

Your email address will not be published.


*