US PRESIDENT THAR BIDEN LE VICE PRESIDENT KAMALA ACOHLAN LONAK ALANGHTER

A nemnak tein nawlngeihnak chuh/fir timi cu atu kan hmuhmi kha a si ko.Ralkap chia nih cun lenglang i nawlngeihnak lak/chuh kha a poi ah an chia lo. Asinain US ah cun Than Shwe chan ralkap bantukin nawlngeihnak lak awk a that lo caah nem tein nawlngeihnak election official hna hmang an fir hi a si ko. Nem tein nawlngeihnak (aanaa) chuh timi hihi a si.

Cucaah keimah cauk ahcun Biden le Kamala cu zeitik hmanh ah phungning president le vice president an si lai lo. Zeiruang ti ahcun vote an firmi, dominion voting machine a hmaan lo ning, state election official nih state upadi an buar ning le mail in vote thlaknak hrokhrolnak a tam ning ka mit hrimhrim le ka hna hrimhrim nih a theihmi an tam tuk. The strongest & best president ever! Respect. Credit: Luther Tinhre

Tuchun cu US President Donald Trump White House in a chuah le President thim tharmi, Joe Biden Inauguration a dongh tiang ka zoh. Khua a phunphun a ka ruahter. Democracy ahcun ruahnak ikhah dih phung a si lo caah kan i khah lonak tete itheihthiam le iruahthiam a herh zia tampi a kan cawnpiak. Kan duhmi President a chuah caan a um lai i, kan duh lomi President a chuah caan zong a um ve lai. Zei paoh hi an chia dih lo i, zei poah hi an tha dih fawn lo. Minung a simi paoh a tlingmi kan um lo.

Asinain kan chiatnak le kan thatnak tu a dan bia a si. Zei paoh hi Pathian nih a pekmi caan chungah a nung dihmi kan si. Hmailei US rampi zei lam a panh lai kan hngal kho lo, A hngaltu cu Pathian lawnglawng a si. Chiat lei kan panh ah siseh, that lei kan panh ah siseh Pathian timhtuahmi a si tiah lungsak khawh izuam cio hna usih. Tuchun ka lungah a caam bikmi cu President Donald Trump nih White House in a chuah lai teah, ca pakhat a tial [ note] i President thar Joe Biden cabuai cungah a chiah ta ti a si.

Mah cate cu zei ko dah a tial hnga tiah theih ka duh ngaingai. Joe Biden nih a chimnak ahcun ” dawtnak, velngeihnak le zawnruahnak a telmi ca” a si tiah a chim. Reporter nih zeidah si? tiah an hal i, amah ka chonh hmasa lo ahcun ka chim rih lai lo” a sin ah lunglawmhnak chim ding ka ngei” tiah a leh hna. White House Press Secretary thar Jen Psaki nih tuzan lei ah a voikhatnak Press conference a tuah i, a chimmi zongah zei bantuk ca dah a si tiah reporter nih an hal than i, Jen Psaki nih,” It was both generous and gracious” tiah a chim thiamthiam.

Keimah lawng si lon midang zong nih mah cate cu theih le hngalh an rak duh ciomi a si. President sinak biakamnak a tuah dih hnu ah nizan i ka tialmi phun 17 kha President Executive order hmangh in a chuah colh. President Donald Trump policy phun 17 cu a khupthal a leh dih manh. President thar Joe Biden nih a chimmi cu,” US mipi dihlak caah President ka si lai” tiah a chim bantuk in kan dihlak caah a tha bik in President a tuan khawhnak dingah thlacamnak in bawmh cio hna usih. Credit: Salai Lairamthang

Be the first to comment

Leave a Reply

Your email address will not be published.


*