KEI CU PATHIAN NIH A KAN HMUHTER CANG CAAH PHUNGHRAM PI HI

2008 Phunghrampi cu a hrawh bak i hrawh lo cun a remh in remh khawh ding a si lo, hrawh hmasa lo cun kan duhmi mah te uknaak kan hmu kho hrimhrim lai lo.2008 Kawlram Phunghrampi cu ralkap hnatlaknaak um lo in cun zei tik hmanh ah remh khawh lo ding in an tuahmi a si.A tu mi cheu kan uu pa le nih an i tinhmi 21 Pinlung le NCA lam thluan zulh hin cun si khawhnaak a lam thluan a sau tuk i a har tuk ding a si fawn.

Pinlung hna tlaak lio ah alaan arfi 5 cu a tu ah 14 a si cang. A zei ti hmanh in a foi ti lo. Cu ca ah a hrawh bak in hrawh a hau. Hi a hrawh khawhnaak a lam te cu a tu lio i duh lonaak langh ter caan te hi a si. Phunghrampi hi hrawh khawh ding bak in Kawlram mipi dihlak in i zuam hna usih! KEI CU PATHIAN NIH A KA HMUH TER CANG CAAH A TU TAN AH LUNG RUAL TEIN RAMMI DIHLAK KAN TTAN AH CUN KAN HRAWH KHAWH HRIMHRIM KO LAI TI HI KA ZUMH KO. By. JP Biak Tin Sang

Kawlralkap Cu An Cei Ko Lai Hih: President Joe Biden nih ralkap renghnak kong a chimmi cu lung a hmui ngai. A chimmi hna: 1) US nih Kawlram cozah tangka billion pakhat kan chiahpiakmi hna ralkap sinah ningcang loin kan kalter lai lo. 2) Ralkap business a siah an neihniam chungkhar an siah dantatnak kan khinh colh hna lai. 3) Tu zarh chungah aho hna dah First Round dantatnak kan pek hna lai timi kan fianter lai.

Palinak. Kawlram cozah thathnemnak a chuahtertu pehtlaihnak kan ngeihmi kan phih lai, asinain Health, civil bu le Kawlram mipi caah thathnemnak a petu a simi paoh cu kan pezulh ko lai. 5) A dangdang dantatnak khinh chap hna ding zong in timh cia kan si. 6) Internation kan hawile pawl he kan tuan ti lai. Suu Kyi a siah President a siah a dangdang an siah thlah colh hna u. Mipi duhnak nan upat hna awk a si.

Pasarihnak. A donghnak a chimmi hi zei tal sawhmi a ngei hnga maw tiah theih than kan duh ngai: Ralkap inn pi kal ding in lengah motor nih a ka hngah ko; ka kal hlan ah hi bia chim ta kan duh tiah a donghter. Kawlram kong ah ralkap inn pi upa pawl he ceihmai tinak an ngei lai tiah ka beisei ngai. Credit: Luther Tin Hre.

RIP: Apoituk hringhran ko. Tutan ah Chinram hruaitu dingah Kawlralkap nih an thimmi Pu Terrance San Mawi Nikhuai nih ruah lopi in mual aa kan liamtak tiah theih asi. Pu Terrance San Mawi Nikhuai cu tutan ah Kawlralkap nih uknak an lak hnu ah Chinram hruaitu dingah an thimmi asi. Ruahlopi in Pu Terrance San Mawi a thihnak aruang cu lungzawtnak in a nunnak aliam tiah an langhter.

Hi konghe pehtlaiin Chinlung Today nih hitihin a langhter. Chin Ramkulh Uktu Thar Pu San Mawi Ni Khuai A Thi, Chin ramkulh uktu thar Pu San Mawi Ni Khuai cu rinlopin lungna in a thi.Ralkap in aana a lak hnu Chin ramkulh uktu sinak a pek mi Pu San Mawi cu Febuary 8 in a hna a tuan thok ih Febuary 11, 2021 zinglam, Hakha ah rinlopin lungna in a thi. A ruak hi Falam ah phum ding a si. Tui kum, 2021 hi kum 65 a hman kum a si. Chirhchan. CT

Be the first to comment

Leave a Reply

Your email address will not be published.


*