KAWLRAM DEMOCRACY LE LAITLANG NLD, AFIANG KHOTUK

Kawlram Democracy Le Laitlang NLD:Laitlang NLD pawlin ma’i miphun Ma’i cilekuang ruahnak,ram le miphun lungput an siatsuah! bumtheih le thlemtheihih an ngai miin an vote in an bum let zik. UNION DEMOCRACY: Mithiampawl cun,kawlram democracy hi 30% long a si an ti.Cu i 30% ah Su kyi in 10% Army in 20% thuneihnak (authority)an nei ti a si. Cui hleiah,democracy system tlunah,ralkap kawrhruh siloin USDP in Union authority an kai ve thung. Rulkhal a vunkawr a lip na’n rul thotho!.

AUNG SAN SUU KYI IH POLICY: Su kyi ih policy tumbik cu;remdaihnak le hmasawnnak (peace process)ti a si.Cu’i peace process cu amah Su kyi ruangih thleng a silo. Democracy system ih ken tel mi a si sawn.Remdaihnak timi hi Su kyi longih tuahtheih a silo.Union authority pawl kutah remdaihnak timi a um sawn. Cutisile Su kyi in federal union sithei dingih a rel mikhi mipi in bum tinak maw si? in bum cu ka ti lo.

Hmanseh an politics game in khelhpit(play)dan ihsi khin a langthluh zo.Ralkap mihlunpawl an thihthluh ta longah kawlram politics harsatnak(problem)cu a felfai dingih beisei a si. Asina’n cuhman! ruahban lo pi’n a fehsual thei lai. STATE POLITICS:State tinin Su kyi ah zumnak an nei non lo.Zum ngam dingin Union authority a silo tlat! Si lo cingin,si beisei siin,sithei ding hnai lo’n State Constitution/State Basic law cu rel hlah! Union Constitution hman 2030 lam loah an remthei lo ding.

Cutisile Chin miphunin,ziang politics game kan play ve ding? kan miphunin le Federation, confederation,secotish pattern, protectorate pawl kan tlin lo. kan tlintawkih lang cu; Miphunin Soveriegnity kan neihih Full State dinhmun te bak kan tlin lo.Soveriegnty kan neih theinak ding umsun cu Chin party ih lungrual phot hi a si.

NATION ADVANTAGE:Chin miphunin,tu’itumah political party zawngin advantage kan lak thiam a tul.Ziang party in?Chin party in mawle Asile, ziang ruangah Pu Lianluaiih bialah Pu Nothankap an soisel ciamco?An tihih an hupurh famteh.Tlawng iin kan lo sahsak ding tivek khi ram le hnam politics a si lo.Nikhat pumpuarnak men long a si.Politics diktak sawn cu Self-determination kan ngiar ding.

Miphun kan lungrual le Sovereignty kan neithei ding timi politics khi U.N.O dan khalih a dik mi le kan covo a si sawn. MIPHUN ZILTHLI A HRANG:Mipangai khuaruahnak nei le kan mifim mithiam pawlin, miphun party a tul zia an thei deuhdeuh!.Miphun pumkhatawknak zilthli in kawlrawn laitlang a tuam mupmo. A tuamthei lo mi Zahau tlangtluan khawruahnak nei lo cuhaw in sualawk an nuam! Aw…miphun hmakhua ruatthiam lo’n,dinglai cozahin Hualngo tlangtluan an vehthlem! Zahau tlangtluan Biak iin sahsak le Cehsak tiamkam in an khawruahnak an siatsuahsak.Hmanseh! mikip an lung a fim sinsin.

A THA SAWN MI POLITUCS: Kawl lungput NLD le USDP politics aiih poimawh sawn cu; Miphun pumkhat awknak(Unity)hi a si.Hmuh dan bangaw lo, duhzawng bangaw lo le nana cu dinglai cozah NLD in Sem le Cehsak Sahsak tiamkamin khawtin an fang.Chin party vethung cun, miphun pumkhatawknak le thuneihnak (Sovereignty)a tul zia a tlangau vethung.

Chin party an tlin khal le Sahsak Cehsak kha cu an ti ding hrimhrim a si.Phang hlah.Na miphun party hi zawi vote ding le tan dingah saw na ruat? Sihte hmanin fuurcanih eiding sekkhawm le ma’i cipi tanhna an thiam.Ma’i miphun tanhna a thiamtu hi mifim le midikih ruah an si. Note: Lawngtlai(Pawi)le Saiha(Lakher)miphun dinsuahnak dingah Pu C.Zochhuma le Pu Tlanguia in an lu thapin si an dinpi.Ma’i miphun dinpi duhlotu le ngamlotu aiih mi tihhrut le mihlithlau an um lo leitlun ah. Credit: Thonga Thonga

Be the first to comment

Leave a Reply

Your email address will not be published.


*