KAWLRALKAP LE AA AI PHOMH KHO AN SI CANG, AN I RALRING CANG

AA hriamtlai le Kawl ralkap hi ai kap kho dirhmun ah an um cang tiah mipi nih an zumh. Nihin ah Rakhine ramkulh Sittwe khuapi ahcun cozah inn hmai le hmun biapi deuh pawl ah Kawl ralkap nih raltuknak khamnak salaeih tun pawl an pon hna i an tuah hna tiah an chim. Cozah zung, cozah bank le hmun biapi deuh ahcun ralkap nih hmunhma an khuar i raltuknak hmunhma rem tein an tuah hna i timhcia tein ralkap an um tiah mithmutu khuami hna nih an chim.

AA le Kawl ralkap kar ah raltuknak nai dawh a si ko cang. Mahhi kong ah AA in chimnak nawlngei tu Khan Thu Khah an hal i zeihmanh chim awk a um lo tiah media pawl cu a leh hna. AA hriamtlai pawl hi Sittwe khuapi ngaingai ahcun an lut lo nain Sittwe khuapi pawng hrawng ah hmun an khuar tiah theih a si.

Ralkap nih uknak an lak hnu ah Rakhine ramkulh ah AA le Kawl ralkap kahnak a um ti lo. An dai ngai cang. Sinain a tu hrawng hi kap hnih ralkap lei in timhtuahnak an ngei pah cang. Ruah lo piin ai kap kho dirhmun ah an um.AA hriamtlai hi an thluak a tha i Kawl ralkap an i ralrin lo kar ah cei in an kah hoi te men hna lai tiah zumh a um. Rakhine mipi cu an lung ai rual tuk i AA hriamtlai cu an thazang a thawng.

Burma-Myanmar: Arakan Army says 10 government soldiers killed in renewed  clashes ยป Wars in the World

Thawngpang dang relchih:Good News taktak a chuak cang, Pawngkam a ummi vialte chimcio hna usih. A sunglawi taktak. Kawlram mi a simi minung pasarih konghe pehtlaiin India ram Manipur biaceihzung sang bik nih thanhnak a tuah cang. Kawlram minung pasarih hna cu an himnak dingah biatak tein nan zohkhanh hna lai tiah Manipur cozah an chimh cang hna. Hi konghe pehtlaiin Manipur cozah nih a liamcia March ni 26 ah district nawlngeitu panga hna cu kawlram ralzam zohkhanh dingin theihternak an rak tuah cang hna.

Asinain Manipur cozah nih kawlram ralzam minung pasarih hna cu kawlram ah kuat tthan dingin an ti hna. Asinain ramri ah kawlralkap ralhrang hna nih an tleih sual hna lai timi an phang.Kawlralkap ralhrang hna nih aa kan tleih sual lai tiah thinphang thlalau in a ummi kawlram minung pasarih hna cu tutan ah Manipur biaceihzung sang bik nih an konglam an ceih piak hna. An mah hi a cunglei chim cang bangin ramri ah a ummi kawlralkap ralhrang palek nih aa kan tleih sual lai tiah a thlithup tein a zammi pawl an si hna.

Asinain biaceihzung nih biatak tein biachahnak a tuah piak hna. Kawlram ralzam minung pasarih konghe pehtlaiin division benh Chief Justice Sanjay Kumar le Justice Lanu Sungkum Jamir nih biachahnak an tuah. Hi biachahnak an tuahnak ruang bik cu Sihni Nadita Haskar nih complaint a tuahmi ruang ah a tu bantuk in ceihkhannak or biachahnak an tuah hi a si.Kawlram ralzam minung pasarih a dirkamhtu sihni nih complaint a tuahmi konghe pehtlaiin a chimmi cu, hi minung pasarih hna cu Delhi ah ralzam dirhmun in an um khawhnak dingah UN sin ah rian ttuan nan ttuan piak or khua nan khanpiak hna lai tiah nawlnak he a tuah.

Manipur biacaihzung sang bik nih thanhnak atuah mi cu hi minung pasarih hna hi Imphal ah nan vun ratpi hna lai.Culawng siloin hi minung pasarih hna konglam ah biachahnak tuah or tlamtling thanhnak tuah a si hlan chung cu biatak tein nan zohkhanh hna lai i, runven zohkhanh tangah an um lai. An konglam hi April ni 26 hmaizarh ah ceihkhan tthan a si lai tiah thanhnak an tuah. Atubantuk in Manipur biaceih zung sangbik High Court biachahnak atuahmi hi minung tampi lawmhnak in an khat ti a si.

Be the first to comment

Leave a Reply

Your email address will not be published.


*