Karen Ralzam Ca Eidin Hlutmi Cu Thailand Ralkap Nih Pekchanhnak Nawl A Pek Piak Cang

Karen Ralzam ca eidin hlutmi Thailand ralkap nih pekchanhnak nawl a on piak cang.Karen Ramkulh khuate tampi cu Ralkap nih raltuknak Helicopter(Vanlawng) in a kah hna i razam dirhmun in muning tampi an um caah Ralzam hna eidin tirawl le herhhai thilri hna cu April 5 ah pekchanhnak nawl Thailand ram ralkap nih a onh cang hna.

Thailand ram um Myanmar rammi nih ralzaam ca ah eidin hlut le pek an timh hna nain Thailand ralkap nih a rak onh hna lo i bawmhchanhnak pek khawh a si lo nain ralzaam bawmchantu Phu KTG nih nawlnak an tuah ca ah April 5 ah Thailand ralkap nih nawl a onh than hna hi a si.

Ralzam bawmhchanhnak herhhai thilri pekchanh khawhnak lam Thailand nih a phih mi cu pekchanh khawhnak onpiak dingin Thailand ram hrambunh Karen Phu(KTG) nih a hal ruangah atu bantuk kuatkhawhnak an onpiak than hna hi a si.

RELCHAP :Hakha Ah Cdm A Tuahmi Uknak Lei Zung Rianttuantu Pawl Quarters In An Thawl Hna –Hakha khua, Chin ramkulh uknak lei zung ah rian a ttuan i, CDM ah aa telmi pawl cu nihin ah an umnak quarters in an chuak, tiah thawng kan theih. CDM a tuahmi minung 55 cu April 1 ah rian phuahnak ca an pek hna i April 5 hlan ah quarters in chuah dih ding in an fial hna.

Ramkulh uknak zung in CDM a tuahmi hi ahmasa ah cun minung 100 hrawng an rak si i, an bawile nih an tlerh/an lem hna hnu ah CDM pehzul in a tuahmi minung 80 hrawng an taang.Atu minung 55 an phuahmi hna hi CDM ah ahmasa bik ah a rak i telmi pawl an si hna, tiah kan theih.

Be the first to comment

Leave a Reply

Your email address will not be published.


*