KAN UNAU MIZO PAWL COMMENT CU REL NGAM HMANH ASI LO, ATURU KO

Kan farnu Sui Hlei Tial ruak kongah kan unau Mizo pawl nih cun Thantlang cu aa kan nihsawh taktak khi a si ko cang. Afawinak cun zeite hmanh ah Thantlang cu aa kan rel tilo. Minung tampi nih Thantlang mipi santleih lonak kong lawngte an chim. An cabia hi Thantlang nih cun a rel hmanh kan rel ngam lai lo dah ti tluk in a si.

Kan nau Sui Hlei Tial ruak kongah minung pakhat nih Mizo Group pakhat minung tinghnih renglo an umnak hmun ah thil sining Sui Hlei Tial ruak kong a thlah. Cu a thlahmi ahcun comment atuah mi hi minung a thong deng an phan. Culawng siloin Like a tuahmi hi minung thong riat deng an si. Cu comment an tuah mi ah minung tampi hna nih comment an tuahmi tlawmpal kan vun langhter lai.

Zeiruangah dah rampi pahnih hnatlaknak in tlunpi a siko mi cu, Thantlang nawlngei tu lawng nih an khamh khawh ning asi? Central biachahnak hmanh a pah ngammi cu zeibantuk minung dah an si. Kan mah le ram cia ahcun maw Kawl ho nih an duhning paoh in aa kan tuah khawh? Thantlang ah zeibantuk abu cawlcanghnak hmanh a um lo maw?

Thantlang khuachung ah mino buu pakhat hmanh an um lo maw? Kohran (Khrihfabu lei) lei zong an um lo maw? Khuapi pakhat a si ve mi ahcun an um hrimhrim ko lai tihi ka zumh. Asinain zeiruangah dah pakhat tel cawlcanghnak an tuah hnga lo. Abuu an cawlcangh lo zongah mipi nih pei an zuan hnawh hna ding asi cu. Thantlang khuachung ah hruaitu VCP, Khuabawi an um lo maw?

Minung pahnih thum kawlho hruainak in maw Thantlang khuapi cu an um ko? Ruak a khamtu hna cu an inn lo zong hrawhpiak hna i, an khua lei ah pei kirter ding an si cu, Mah le ram hmanh ah cawlcangh ngam lo cu ningzak lei khi asi. Kawlho duhning cun maw um peng an i timh? Hruaitu hmanh nan cawlcangh ngam lo ahcun hruaitu tlak nan si lai lo.

Kanmah Mizoram chungah asi lo cu apoi taktak. Kanmah Mizoram chungah cun sisehlaw zeibantuk minung paoh si hnaseh, YMA an cawlcangh lo zong ah Khrihfabu lei an cawlcang lai. Anmah an cawlcangh rih lo zongah akhua in kan cawlcang lai. Mah bantuk minung cu nikhat hmanh an rau lai lo. An nunnak a him hmanh ah, an zam colh lai.

Comment an tuahmi atamtuk caah an comment vialte ttial cawk dingmi khi asi lo. Atawinak in kan vun langhtermi asi. An comment pawl rak rel cio te uhlaw, zeitindah kan i funtom ning asi lai timi siseh, zeitindah kanmah le ramcia ah khuakhan lairelning asi lai timi zong hi tutan kan unau mizo pawl comment hmangin lungfim cang hna usih timi ruahchannak he kan vun langhter mi asi.

Be the first to comment

Leave a Reply

Your email address will not be published.


*