KAN PALAI CA DINGAH CHINCHIN PEKTHANG, ATTHATUK CANG HIH

Kan palai ca ding ah Chinchin Pekthang. Kum 2010 in 2015 chung hluttaw palai a si lo bu hmanh in, tlangcung party 20 renglo a hruai khawh i phunghrampi upadi 45/2015 remh khawh nakding hmai a nor vetu Pi Chinchin cu khua thuk ruat in lung awttawm lo thimfung pe usih. Kum 2010 in 2015 chung hluttaw palai a si lo bu hmanh in,

Laimi tel in tlangcung mi kan nuhrin covo laak tthan khawhnak ah Ministry of Ethnic Affairs ser ding upadi 8/2015 a rak i zuam vetu Pi Chinchin cu khua thuk ruat in lung awttawm lo thimfung pe usih. Kum 2013 in 2015 chung hluttaw palai a si lo bu hmanh in, ram pumpi remdaihnak Nationwide Ceasefire Agreement (NCA) hnatlaknak a chuah khawh nakding a rak i zuam vetu,

Union Peace Conference ton biaruahnak ah tlangtlatu, Union Peace Accords (Part 1, 2, and 3) misen thut khawh nakding tlangtla vetu Pi Chinchin cu khua thuk ruat in lung awttawm lo thimfung pe usih. Laimi vialte, Thantlang khuami vialte, Thantlang Peng Thimfung Thlaknak Hmun No. 1 i a um mi vialte kan tirawl, kan hnipuan, kan innlo kan hrampi pathum a let in ai sersiam khawh nakding a ttha bik in rian a ttuan khotu ding Pi Chinchin cu khua thuk ruat in lung awttawm lo thimfung pe usih.

Khua thuk ruat in lung awttawm lo Pi Chinchin thimfung kan peknak thawng in, Thantlang Peng Thimfung Thlaknak Hmun No. 1 i a um mi zapi nih a ra lai mi kum nga caah siseh, chanchung caah siseh, ramuknak lei le thil dangdang kong ah nan i chir hrimhrim lai lo. Cheukhat party cheukhat ramkhel cu thimnak ah teinak an hmuh cang cun a thimtu hna lila kha a hlaw i zei rel lo hnu a chittu hna an um tawn.

Cu bantuk lungput Pi Chinchin nih a ngei hrimhrim lo. Kan zapi caah a ttha bik in rian a ttuan khawh nakding, thimfung tam bik a hmuh i teinak a co khawh nakhnga khua thuk ruat in lung awttawm lo Pi Chinchin Pekthang cu thimfung pe ko hna usih tiah Chinchin Pekthang a ttanpitu le a hawile nih toidornak he kan in sawm hna. Kan i lawm. Credit: Chinchin Pekthang fb page

Be the first to comment

Leave a Reply

Your email address will not be published.


*