KAN NAUNU KONGAH SALAI LIAN LUAI LE PU ZOBAWI ZONG ATHUAT CANG HNA

Thantlang thil a cangmi kongah Pu Zo Bawi le Lianluai khoika dah nan um? Zeiruangah dah nan i thlak ve lo? Laimi Chinmi kong a si lo maw? Zeiruangah dah nan hna nan i cheh ko. Kanmah rian a si lo nan ti maw? Laimi Chinmi lutlai bik nan si lo maw? Zawtnak lak ah pei Pu Zobawi nangmah zong nih mipi biaruahnak na rak ngeih ko hnga kha.

Salai Lian Luai zong zawtnak lak asi caah lam an phihmi ahohmanh luhchuah angah lo tiah mino pawl duty an ciah lio caan ah minung pakhat rianttuantu cu nangmah nih pei luhnak nawl na rak pek ti asi kha. Tutan thil a cangmi ah hin nanmah nih kaa khat chim ulaw atu dirhmun hi kan phak ka zum bak lo, nanmah nan holh lo ruangah atu dirhmun tiang a chuahnak hi asi.

Laimi kong cu Kawl miphun hna nih aa kan theihpiak lo, Laimi kong cu kanmah Laimi te nih kan i theih bik. Midang keimah aa timi Thantlang Hakha bawi kan i ngeihmi vialte zong khoika dah nan um dih kun? Thantlang khuachung ah mipi kan um lo maw? Thantlang ah mino buu pakhat tel kan um lo maw? Thantlang khuachung ah biaknak lei lutlai pawl zong kan um lo maw?

Thantlang khuachung konghi minung pahnih thum te lawng asi mi hruainak cun kan duh zong duh lo zongah kan um peng ko lai? Thantlang mipi kan um lo maw?Lamkam ahcun minung cu chimlo Satil, Arva hmanh Laimi nih cun kan i phum bal ttung lo. Kan nau Sui Hlei Tial ruak kongah cun nawl angei ding cu kanmah Laimi hi biapi kan si lo maw?

Kan nau nu Sui Hlei Tial hi zawtnak Covid-19 angei mi sisehlaw Malaysia cozah nih tlunpi zong an sianh lai lo i, Kawlram zong nih luhpinak nawl an pe hlei lai lo. Rampi pahnih hnatlaknak tein cozah theihpinak tein an rak tlunpi mi asi timi zong kan theih dih. Laimi buainak kongah cunglei cunglei kan ti lengmang mi cu a tuhi cunglei nawlpeknak taktak cu a si ko hnga lo maw?

Cunglei nawlpeknak taktak cu si hlahsehlaw kan Nau nu Sui Hlei Tial ruak hi Kawlram zongah tlunpi khawh asi hnga lo cuh. Cunglei nawlpeknak asi ruangah Malaysia in Kawlram rak tlunpi asi i, Kawlram chung a vun palnak khua le ram vialte zong nih an cohlan dih caah Thantlang khualuh lai tiang a rak tlunnak cu asi cuh. Kanmah kan umnak Mizoram cu sisehlaw hibantuk hi cu mino lawng hmanh nih an tawlrel khawh lai.

Naite zong ah zawtnak lak ah kanmah Laimi asimi phailei in an rak tlunpi ko. Anmah mizo minung hmanh a si rih lomi cu buainak zeihmanh um loin luhnak nawl an pek ko hna. Miphun hmanh nih an cohlan lio ah kanmah Lairam ah hi bantuk thil a um hi cu kan i ruah deuh cu a hau ko. Hmailei ahcun um hram ti hlah seh tihi duhsaknak ka ngei. Credit: Duha.

Note: Mah cabia hi Laica le Mizo ca aicawh mi a tam caah, zapi kan i fiannak dingah tiin kan vun remhmi asi.

Be the first to comment

Leave a Reply

Your email address will not be published.


*