KAN LO KO CANG, CHIN KHRIHFA RAM AH VOTE KAN FIR TAKTAK MAW

KAN LO KO CANG NE RAWH! CHIN KHRIHFA RAMAH VOTE KAN FIR TAK TAK MAW?Ralkap nih Chin State zongah Vote dik lonak a um anti. Kan theih cia bantukin Myanmar President U. Win Myint le UEC Chairman U. Hlah Thein cu USDP in Sihnee U. Zaw Weih le NPDP in U.Soe Muang nih Myanmar Supreme Court ah an khin hna i January 29, 2021 ah biaceih ding/dinglo kong an ceih hna lai.

No photo description available.

Ralkap nih Special Secret Election Inquiry Committee le State kipah Sub- Secret Committee an dinh i, cu hna pawl nih Ni. 09/01/2021 tiang an hmuhmi Vote firnak/ diklo nak cu, a Vawi-11 thawngzamhnak an chuah.Myanmar Ralkap phu nih 2020 Election i Votes firnak le dik lonak vialte an chuahpi mi ah Chin State Khrihfa ram zong a tel ve i, a tang lei ban tukin Vote thlak dik lonak an langhter. Asi tak tak ah cun ningzahawk ngai ngai asi lai.

Image may contain: text that says "Ultra 7:48 AM Done 30% Edit ဖွဲ့စည်းပုံ အခြေခံဥပဒေ ပုဒ်မ ၄၁၇ နိုင်ငံတော် အချုပ်အခြာအာဏာကို အဓမ္မနည်းဖြင့် ရယူရန် အားထုတ်ပါက တပ်မတော်က အာဏာသိမ်းခွင့် ရှိသည်"

Hakha Township, 1. Nu/Pa, Min-Kum a bang dihmi – 66 Vote hlei, 2. Nu/Pa, Min-Kum a bang/banglo- 3855, 3.Kum-18 tlinglo-19 le ID(မှတ်ပုံတင်)nei lo 3026, 4. An dihlak in = 6945. Falam Township, 1. Nu/Pa, Min-Kum a bang dihmi 36 Votes hlei, 2. Nu/Pa, Min-Kum a bang/banglo-2204 Votes, 3. Kum-18 tlinglo-28 le ID nei lo-1585 Votes, 4. An dihlak = 3843. Teddim Township, 1. Nu/Pa, Min- Kum a bangmi 24 Votes hlei 2.Nu/Pa, Min-Kum a bang/ lo 4849 Votes 3.Kum-18 tlinglo-39 le ID nei lo- 3533 Votes 4. An dihlakin= 8431.

No photo description available.

Thantlang Township 1.Nu/Pa, Min-Kum a bang dihmi 4 Votes hlei 2.Nu/Pa,Min-Kum a bang/banglo 3016 Votes 3.Kum-18 tlinglo- 35 le ID nei lo-2688 Votes 4. An dihlakin= 5768. Matupi Township 1.Nu/Pa, Min-Kum a bang dihmi 48 Votes hlei 2.Nu/Pa,Min-Kum a bang/banglo 3959 Votes 3.Kum-18 tlinglo-42 le ID nei lo- 672 Votes 4. An dihlakin= 4684. Tonzang Township 1.Nu/Pa,Min-Kum a bang dihmi 52 Votes hlei 2.Nu/Pa,Min-Kum a bang/banglo 1698 Votes 3.Kum-18 tlinglo 66 le ID nei lo- 1698 le Vote. Vawi-3 a thlakmi- 75 Votes. 4. An dihlakin= 3381 an si.

Image may contain: one or more people, text that says "NLD တံဆိပ်တွေ ကြိုထုနေ တာ"

A dang Mindat, Kanpalet le Paletwah lei cu NLD nih kan tei cia ti phunphai in Votes firnak le dik lonak um dawh asi loh. Ralkap phu nih an rak chuah tha’n te hnga dek maw! Hi pinah Chinmi kan umnak Kalay Township ah Votes fir/ diklo mi- 41060 Votes a um i, Tamu Township ah zong Votes diklonak-9468 Votes hleifuang a um ve. Gankaw Township zongah Votes firmi- 6330 a um fawn ai ee..cu ka thin cu.. US lawngah pei Election a dik loh(မမှန်ကန်) a um rua kan ti na’in Khrihfa ram an timi kan Chin State zongah pei a rak um ve ko rua hih. Credit: MC Biklian

US Lei Kong:Trump le Twitter. Pu Trump nih Capitol innpi ah buainak le thilttha lo tuah ding in a minung pawl cu a forh hna ruangah Twitter nih a account cu a zungzal in an phihpiak/an kharpiak. Bawi Jesuh nih cun zeitik hmanh ah midang kha thil ttha lo tuah ding in a forh bel hna lo/a cawnpiak bel hna lo. Mi ngaihthiam, dawtnak neih ding, remnak le daihnak ser ding, mi cungah zaangfahnak neih ding, mitoi i dor ding, mibawmh ding, dinnak tuah ding, tehte ttha si ding, le kan ral dawt ding lawng a kan cawnpiak i a nun in a kan hmuhsak fawn.

Trump nih twitter cu sualnak tuahnak caah le midang zong thil ttha lo tuah ding in forhfialnak caah a hman ruangah a kumkhua in a twitter account cu phihpiak le kharpiak a si.Twitter hi kum 2006, March thla 21 ah Jack Dorsey le a hawi le pathum nih an rak thokmi, social networking service a si. Tu ni tiangah a hmangmi zate hi million 321 an si i rianttuantu 4,600 an um. An Headquarter cu San Francisco, California, USA ah a um. A neitu bik le a tuahtu, Jack Dorsey hi a rum tuk cang.

Amah hi Twitter CEO zong a si/a ttuan. A neihmi zate cu $13billion a si. Donald Trump khi a rum ngai ve nan a neihmi zate $3.1 billion hrawng lawng a si. Trump nak in Dorsey cu a letthum hrawng in a rum deuh kan ti lai cu. Dorsey hi kum 44, mi note a si rih.Trump nih twitter hi biatak tein a hmang. Laimi cu twitter a hmangmi kan um lai ka zum set lo. Kan umsual hmanh le 100 hmanh kan tling men lai lo ka ti. Keizong hlasak thiam, Britney Spears ka rak uar lioah amah pehtlaihnak ah tiah a luancia kum 10 lio hrawng ah twitter account cu ka ong ve nan ka hmang ti lo. A tuah cu a fawite ko.

Capitol innpi luhhnawh hnu in cun Twitter nih Trump lawng siloin midang zong tamngai an account a phihpiak hna. Mah kongah buainak tam ngai a chuak. Social Media i thil a ti khawh ning le rian a ttuan khawh ning cu Laimi cathiam lo tampi zong nih kan i fiang ngai cang hna. Ka bialak ah, Trump a min thar cu “Pate Lul” a si. Atu tan Trump nih thil ttha lo a tuah ruangah a dang tthat lonak tampi zong a chuahpi. Minung pa 6 an thi.

Tamtuk an tlaih hna lai i bia an ceih hna lai. Social Media dang karlak ah siseh, R-D party karlak zongah buainak a um, second impeachment kong zongah. Big Tech dang zong Trump kongah an buai dih. Amah Trump a ttanhtu minung tampi zong nih an kaltak cang. Laimi lak zongah a piangthar i Trump a kal takmi an tam ngai cang ti si. Hmailei zongah an kaltak len rih ko lai, mifim deuh le piangthar deuh pawl nih cun. US politics ah Trump muithlam a leng ti lai lo.Amah belte thil ttha lo a tuahmi le a nun ziaza chiakha cu US tuanbia ah kumkhua in chim le rel a si lai. Ningzak ngaingai a si ko. Mah hnu i a dirpi rihmi cu nan chungah thlarau ttha lo a um peng rih ko tinak asi ko lai. Credit: Van Tum

Be the first to comment

Leave a Reply

Your email address will not be published.


*