KAN FARNU SUI HLEI TIAL BULHNAK AN KUAT TTHAN KUATMI DIHLAK

Lunglawmhnak: Kan Farnu Sui Hlei Tial Bulnak Cu Kuat A Si Cang. Australia hrambunh, Chin Broadcasting Network (CBN) in kan farnu Sui Hlei Tial caah GoFundMe in bulnak hmuhmi AUD $2,460,  Kyats 2,188,998.29 (ting kul le ting khat le thong sawm riat le thong kua deng) cu Pu Cung Hu (Hakha) sinin kuat a si cang.

Hi ka hmun ah bulnak a petu hi minung 62 kan si i a dihlak in $2,534 a chuak. Asinain, GoFundMe lei in “Fee” an tan/laak hnuah $2,460 a taang i hi vial hi Laitlang ah kuat a si. Bu/pumpak hna zong in bulnak pek khawhnak lam tuah a si caah, kanmah lei in kan i tinh ning ($3,000) hi a chuak kho deuh lo. Cun, atu lio cu tangka thlen zong a niam tuk caah a chuakmi zong hi a tlawm deuh ngaingai.

Nihin ah kan kuatmi cu Pu Cung Hu nih hmun dangdang in a hmuhmi vialte he fonh in kan farnu Sui Hlei Tial – taantak chungkhar hna sinah pek/ap a si hruak lai. Dawtnak le zawnruahnak lungthin he bulnak a pechantu/ dawt kut a samhtu vialte nan cungah lawmhnak nganpi kan ngei. Bawipa tu nih a let in thluachuah in pe cio ko hna seh!

Kan farnu Sui Hlei Tial i a ruak cu thlanmual ah thial in phum/vui than si cang hmanhsehlaw, a tonmi, a tuanbia le a chungkhar nih an tuarnak hi cu zungzal in philh khawh a si lai lo. Pechantu vialte cung lunglawmhnak he, CBN Team Australia. Credit: CBN

Hi zong hi vun relchih The Chinland Post nih Bulhnak an pekmi: The Chinland Post nih tleicia Nu Sui Hlei Tial (21) caah Ramchung/Ramleng Chin miphun nih ngaihchiatnak hrawmhmi (bulhnak) MMK 13,179,342 cu Hringtu a nu le Chungkhar sin ah tlamtling tein pekchanhnak tuah a si cang.

Chungkhar sinpekchanhnak cu 2020 October 17 chun sml. 1:00 ah tlamtling tein tuah a si.Thantlang tuah mi pekchannak kong ah felfai deuh in thanh khawh chap kan i zuam lai. Lawmhnak he, Tawlreltu, The Chinland Post Chungkhar. Credit: Salai Khin Maung Thein

Theihcio bangin Kan farnu Sui Hlei Tial bulhnak cu The Chinland Post le CBN siseh Dr Hre Mang hna nih online in bulhnak an tuah or an tawlrel i, hi chungah The CHinland Post le CBN nih an kuat cang. Tutan ah The Chinland Post le CBN nih an kuat or pek mi hi a dih lak in vun zoh ulaw a cunglei langhter mi hi a si.

Be the first to comment

Leave a Reply

Your email address will not be published.


*