IRALRING CIO HNA USIH, TUCHUN IN AN THOK CANG

Kalaymyo cu thinphan ngaingai si ko cang. Zawtnak akarh chin lengmang caah mipi vialte hna cu Mask i vuah dingin forfialnak zarhkhat chung an tuah lai ti asi. Kalaymyo cu tulio zawtnak Coronavirus akarh ngaingai cang. Aliamcia Nizan tihni December ni 5 ah khan zawtnak thar a ngeimi hi minung 11 an um tiah an langhter.

Cun Nizan december ni 6 zongah khan zawtnak thar angeimi minung pahnih an hmuh tthan rih hna. Coronavirus zawtnak angeimi chungah damnak tlamtling ahmumi Nizan ah an chuahtermi hna hi minung panga an si. Cun atu ah zawtnak angeimi thlopbul cuahmah mi hi minung 55 an um tiah Kalay IPRD nih an langhter. Zawtnak i chawnh khawhnak hi a phunphun in a um.

Sihmanhsehlaw coronavirus i chawnhnak dingah a fawi bik mi cu Hnar le Kaa hi asi. Curuangah Mask i vuah hi tulio zawtnak irunvennak ahcun attha bik in a biapi bik mi asi tiah an chim. Cucaah leng kan chuah tikah mask hi ahopaoh nih i vuah peng ding mi asi i, hihi zawtnak a karh lonak dingah abiapi taktak mi asi tiah nawlngeitu hna nih an langhter chih.

Kalaymyo khuachung ah mikip nih leng an chuah tikah Mask an i vuah khawhnak dingah zakhat ah zakhat Mask vuah dingin forfialnak an tuah. Tuchun in hi cawnpiaknak le forhfialnak cu thok a si cang i, hi campaign ah hin Mask i vuah loin leng a chuakmi hna cu Mask pakhat peng an phawt hna ti asi. Cun a caw khomi hna cu Mask 50 ah thongkhat in an cawkter rih hna tiah an chim.

Inn chung i erhkhumh timi hi minung tampi hna cu khuasak tuntuknak ah ahnursuan hna. Cunak cun leng chuah tik paoh ah philh lotein Mask i vuah hrimhrim ding tiah an chim.Tu tan ah hibantuk in 100% Mask Campaign an tuahmi hi General Administration, Health Department, NGO tthenkhat si hnaseh cozah rian attuanmi hna nih an tuahmi asi. Tuchun in thok asi i, December ni 13 tuah asi lai tiah an langhter. Credit IPRD Kalay. TTP

Be the first to comment

Leave a Reply

Your email address will not be published.


*