KALAY PAWNG I KAHNAK AH RALHRANG BAWI PAKHAT A NUNNAK ALIAM

Nizan Kalaymyo pawng ralhrang ralkap le mipi an i kahnak kongah thawngpang theihkhawh tawk. Nizan April nikhat Kalaymyo pawng Chawngkhua khua i, i kahnak ah mipi lei in a nunnak aliammi hi minung pathum an si. Cun ralhrang kawlralkap bawi pakhat zong a nunnak aliam ve tiah theih a si. An i kahnak hi hmun hnih ah a si.

Nizan zanlei suimilam pathum hrawngah i kahnak caan cu a si. Ralhrang ralkap nih Chawngkhua an luhpah ah hin inn tangah a thu sawhsaw komi kum 60 a si cang mi minung pakhat zong an kah i, a nunnak aliam tiah an langhter chih. Cun ralhrang kawlralkap phomh dingin a rak rami Waibula minung pakhat cu a hngawng ah an kah i, a nunnak aliam.

Kawlralkap ralhrang bawi pakhat mipi lei nih an kahthah mi hi Aung Cian Tha i kahnak ah a nunnak aliam hi asi. Cu ralhrang kawlralkap bawi a nunnak aliammi ruak lak ding le mipi kap dingah ralhrang pawl a bawm dingin Kalaymyo ralhrang ralkap hna cu an i thawh i, Chawngkhua ah mipi he an i kah hi a si. Lampi hlei an hrawh caah Sitha ah ralkap an chiah hna i, motor cu akir ti asi.

May be an image of outdoors

Ralhrang kawlralkap pawl hi minung sawmthum renglo hi ke in an kal hna, Hriamnam ngan zong in an kahhna i, mipi pawl cu an i thup dih hna. Ralhrang ralkap pawl nih Bike an hmuh mi zong an kah dih pin ah thilri zong an hrawh rih hna. An i kahnak hnu suimilam panga le ti ah mipi humhhimtu pawl cu hnukir in an i thup hna caah ralkap pawl cu an kal tthan kho tiah khuami pakhat nih a chim.

Nizan Chawngkhua i kahnak ah hin ralhrang kawlralkap hna nih bomb zong an puah. Cun ralhrang ralkap lei hi hliam atuarmi zong an um. Asinain fiang in theih asi lo. Sihmanhsehlaw fiangtein an theihmi tu cu a cunglei langhter cang bantukin ralhrang ralkap bawi pakhat a nunnak aliam.

Be the first to comment

Leave a Reply

Your email address will not be published.


*