KA TUAR KHO HRIM LO LAI RAM, BY AUGUST HRANG HCHING

Ka tuar kho hrim lo Lairam. Khuadi zaam akiang fiang ririai hmun lehma hna anlang. Khuallam thluan le fingtlang dawh tete hnanih nuzuun le pazuun ngaimi kobang, cawlcaang loin umhna. Nizung hna nih, ahlun liampi in athar hlam te he, zohzuun tlakin chuakțhan hna. Kianzaai arel tilomi tlangkam khuadawm hnanih siaherhnak thinlung neiko lo in, zaang tlung lo liamzaai rel hna.

Ka ruat kholo tintlingcung merem zawnle chunking umhar lunglen zawn ahkhin. Semnak lairam le, thiangtian parzaa anpar nak khualuh lai arkhuan theih ko nihkhan tlangzaraai bang akazawt cimcin tawn. Siseh ton țhannak nilecaan umhramseh tiin zingnu sin kanawl hmuh lo hnemraang puantang le cincawi cungkhin.

Atlum khun nadawt nakle naaankaa, Dawtmi hna lennak lairam aw, nachunmang tlin ternak ding caah, Hovaal kianlo, liamcia pasal tha phaw le nam le cantiang Likuuk hna neh buung zul in, Nafa lehna Laifadawt tinfim rual hmangin,ancuai lenko natum chunmang tlinghram dingin.Ni khat le caan khat ni ahcun, ahluan lai, Edenthar anchim mi tuanbia kha.

Dir korih mu, cerhlian ninu le khuacaan hna, fadawt mithli le thlanti ahuul rih lo. Awi hliarmar rihlang, Tlangkip ahram nulo fiakfai le, awthlum huiva hramthiam bang. Kanngai peng, zeikhua karuah zawnhmanh khin. Kanu, Lairam. Credit: August Hrang Hching.

Relchih:Theihtlai, 1. Nu tawtawk a ngan deuh mi cu a fa deuh mi nakin an thluak a tha deuh, tiah Oxford University hlathlainak ah an hmuh.Apple kung khi Rose pangpar kung hrinthlak a si.2. A thangcho bik ram ah aa tel mi Singapore ram ah Tlanglawng dinhnak (station) pakhat lawng a um. 3. Hlanlio Egypt Scientists pawl cu zaan an ih tik ah lung an i tlinh. 4. Khuaruah khawhnak thluak a thawnter an ti. (Ref: Ta Toe Nwe)

Be the first to comment

Leave a Reply

Your email address will not be published.


*