KA LUNG AFAKTUK, KAN NAA ASA AN CAN I, AN I PHAW DIH

Ka lai mi hawi zeitin nan ruah ve hnga. Ka pa le neel facang an ttuan lio ah kan naa an i hruai hna, voidang cu zaan ah an hren hna nain nithum zaan kha naa an der sual lai tiah a thlah hna. A thaizing ah ttih Bual mi pakhat nih phone a rak chonh ii naa a thi ii na naa a si maw rak zoh an ti. An kal tik ahcun a saa an rak can dih, zei tin a thih a ti tik hna ah kan naa nih an suk le a korong hri a ki ah ai bat ii a hrom a dalh ii a thi ko tiah an rak ti.

A ho nih a hmuh a ti hna ii cuticun kan zumh an ti tthan. Apum ah hmape zong a um fawn lo. A korong hri hma ngel cu tlawm paal a um. Asinain a thih nak hi phuhri ah a si fawn an ti. kan naa cu kum nga a si cang.Cutin naa a thi ti zong a um bal fawn lo. Ka pa a phak ah le a saa cu an rak can dih cang.Kan lung a faak ngai a ruang cu a ho naa sat a si ti theih loin kan naa a thi mi a saa zong an rak kan can piak dih ko.

Ka pa sin ahcun kan phung ning in a saa cu kan rak can an rak ti ko. Kan naa hi zei ti sat in a thih nak hi hmu sih law, i can u ti zong kan ti ko hna hnga. Ka pa cu a lu le a saa tlawmpal kha hihi i laak an ti ii a duh lo ii kan tu pa( ka nau pasal kan facang ttuan a riak ve mi a va zoh ve mi) le an khua pa sin in a saa tlawm pal cu kan thlam ah an rak peek.

Phone kan chonh hna ii hi kong ah hin kan palh lo an kan ti ko. Mi naa a thi tiin a ngei tu theih loin a saa rak i can ii vo rak i tthenh dih ko cu van ruat ve hmanh uh. kan palh lo an ti. Nang teh zei tin na ruah ve Lai Mi. Kan khua pa naa ah kan ruah ii a si tthan lo kan ti ruang ah kan rak in hal an ti.an khua pa ka chonh tikah ka phak hlan ah a phaw zong an rak hawk dih cang a ti fawn.

Ka lung a faak tuk. Zung ah palik kan hlat tir hna lai tiah kan ti. Mah belte cu ka pu le ka pi nih a zei a va si hmanh ah kan fale dai ko u law Pathian tu nih kan theih piak ko seh thlacam sih law Pathian tunih thluachuah a kan pek tthan ko lai an ti.kan naa tum neihchun mi te cung ah hitin kan ton cu kan lung a faak ko nain pi le pu bia cu ell awk a ttha fam lo cu teh zei ti awk ttha.

Ttial ding a tam pi ko nain hi vial hi cun nan lung a fiang cio men ko lai. Ka ttial duh bik mi cu nang teh a nei tu theih lo mi mi satil saa na can duh hnga maw zei tluk mi sa ram na va si hmanh ah? Asiloah na sattil mi nih na theih loin a thi tiin a saa i can hna seh law zei tin na ruah ve hnga?( hi caa hi nan rak ka share piak cio nak lai kan nawl duh hna) kai lawm. Credite. Bawimincung

Be the first to comment

Leave a Reply

Your email address will not be published.


*