Johnson Siangbawi Fanu Ruth (Ruthi) Nih Ralkap Uknak Kong A Chim Ve Cang. (Video)

Tulio kan ram kong ruah ah cun ngaih chiaa a si ko, Ruth zong nih mah kong he tlawmpal a chim ve cang. Ruth hi Hakha ah a hnu bik siangbawi a tuanmi Johnson fanu a si. Kum 17 a  si lio, 1962 ah Newin nih uknak a lak caah an rak thawl hna. Mitthli he an rak zam. Centenary lio ah an rak tlung nain Kalaymyo tiang lawng ralkap nih kalnak Nawl an pek hna.

 

Laitlang ramri (9 mile) in an pafarual in Laitlang lei an va cuan. Zei bia hmanh chim kho loin an mitthli a rak luang. 2015 Kum ah Hakha, Thlantlang tiang an va phan kho. Khua kip ah sunglawi tuk in pangpar thi he an rak dawn hna. Atu ah ralkap nih uknak an lak, an tlaih an thah hna, sizung riantuan mi an thawl hna. Cu kong a theih tikah a celh in a celh ve lo. A biachim hi rak ngai cio hmanh u.

https://chinchannelnews.com/wp-content/uploads/2021/03/1615620447161.mp4?_=1

Credit: ChinTube

Thawngţha: US nih Myanmar mipi caah thawngthanhnak pakhat a tuah : US Department of Homeland Security Secretary N.Mayorkas nih Myanmar kong he pehtlaiin March 12 ah thawngthanhnak a tuah. Kawl ralkap nih uknak an lak caah hremnak le thahnak a tam tuk caah US nih Myanmar caah “Temporary Protected Status” timi thawngthanhnak a tuah.

Temporary Protected Status caah US nih thawngthanhnak a tuahmi cu; “US a rak tlawngmi Myanmar mipi caah Visa sauhpiaknak le ramchung umnak pek chung asi lai. Visa sauhpiaknak le ramchung umnak hi thla 18 chung asi lai. A herh ahcun sauhpiak than a si te lai. A herh ning bantukin harnak a tongmi cu tuanvo kan lak lai” tiah US Departmentof Homeland Security nih thawngthanhnak a tuah.

 

CRPH nih nawlnak an tuah caah US Department of Homeland Security nih an cohlan mi asi. US lawng si loin ramdang Embassy zong CRPH nih nawlnak an tuah cang i; US bantukin tawlrelnak aum te lai.

Be the first to comment

Leave a Reply

Your email address will not be published.


*