JOHN DUHPENG CINZAH: KA DIRKAMH LAI, CHIN MIPHUN KA SI VE

Ka Dirkamh Lai Chin Miphun Ka Si Ve ( CNLD ). Pathian nih Chin Miphun cu vawlei cung ah Miphun Puitling sinak in a kan ser ve, Miphun puitling pakhat nih a ngeih dingmi Miphun, Ram, Nunphung, Caholh, tlamtling tein a kan pek. Vawlei cung ram ah miphun sinak a ngeimi he aa ruang in zeizong vialte tlamtling tein a kan pek dih.

Asinain miphun puitling kan sinak hrampi a simi kan miphun, kan caholh, kan nunphung, kan ram le kan vawlei hna cu miphun dang nih an kan hrawkpiak cuahmah mi cu mithmuh in nan theih dih cio mi asi.Pathian nih miphun sinak a kan pekmi covo hna cu chuh le hrawh piak cuahmah kan si. Tlangcung mi kan covo vialte le kan si khawh hnga dingmi vialte tuah piak le pek cu chim lo, a chuh in an kan chuh I, an kan hrawk piak leh lam.

Kan ram kan vawlei le kan inn le kan lo cia ah duhtawk in nawl an kan neih I, fial chukkho ah an kan hmannak kum le caan a sau tuk cang. A ziah? Lai mino kan um ve lo maw? Lai Sianghngakchia ( kawlcatangsangkai ) kan um ve lo maw? Kan ram a dam lonak a zualtuk cang tung hme? Kan ram le kan vawlei ah kanmah nih khuakhan lairel caan a cu tuk cang lo maw? A tlol lei hmanh asi cang.

Hi vial te kan lak than khawh hnga ding ah, ( CNLD ) Miphun Party kanpa le nih an kan dirh piak I kan van a tha tuk. Hi party chung ahhin I fun dih hna u sih law,kan ram cu kanmah nih sersiam i zuam hna u sih. Kawl miphun nih Kawl Party vote an pek cu an miphun an dawt caah asi ko. Tlangcungmi nih anmah miphun Party vote an pek mi cu an miphun an dawt caah asi ko.

Mah le miphun cio an I dir kamh mi hi, Miphun caah tuanvo ka nei ve, mi sawhsawh ka si lo, ti an I theih caah asi. Kan Chinram a zaw cuahmah mi a dam than nak ding le tungmer than dingah Pathian nih Chin Party hmang in, Lai Pasal/nusal tha hna an herh cang hna. Lairam sersiamnak ding ahcun, Miphun dang, Rakhine, Shan le Karen le Kawl pa hman awk an tha lai lo. Cucaah CNLD Miphun Party hi dirpi cio hna u sih law thazaang pe cio hna u sih. Credit: John Duhpeng Cinzah

Be the first to comment

Leave a Reply

Your email address will not be published.


*