IRALRING CIO USIH, CINKHUA APHAN MI RALHRANG ZEI AN TUAH LAI THEIH ASILO

Breaking News: Kawlralkap ralhrang pawl Lairam ah an phan cuahmah cang. I ralring taktak a hau cang. Hmunkip kaakip ti awk ah ralhrang kawlralkap pawl hi an phan cang. Tuzan suimilam pariat hrawngah Hakha peng Cinkhua ah ralkap kawlralkap hna cu an phan ti asi. Asinain a rak phanmi ralhrang kawlralkap hna hi zeidah an tuah lai timi theih asi rih lo.

Hi konghe pehtlaiin nizan zongah Thantlang ah ralhrang kawlralkap hna cu motor tam ngai in an rak phan i, ralhrang kawlralkap a rak phortu motor hna cu azanlei lila ah Hakha lei ah an kir tthan tiah an chim. Tutan ah hi bantuk in kawlralkap ralhrang pawl a tu le tu ti awk in kan lairam chung khuakip kaakip ti awk an chok hlen cang.

Culawng siloin kan Lairam khualipi Thantlang le Hakha karlak zongah nizan ah khan khualtlawng minung hna cu ralhrang kawlralkap hna nih uitlak per hna in an per cang hna. Kawlralkap ralhrang hna nih an ziaza an chuah lengmang cang. Tutan Cinkhua ah aphan mi zong hi zeibantuk thil dah an tuah lai timi theih asi rih. Asinain mipi i ralring cio hna usih. Credit. VTT

Hakha Farrawn Ah Ralkap An Kal Timi Kongah Thawngfiang – Chin World News  Evening

Relchih: Tuzing Kalaymyo ralhrang kawlralkap kahnak in a nunnak a liammi cu an tam hringhran ko. Apoituk ti lengin chim ding dang a um ti lo. Tuni April ni 7 i kahnak ah a nunnak a liammi hi minung 11 an si tiah an langhter. Hi konghe pehtlaiin Kalay University Student’s Union nih thanhnak an tuah mi cu a tanglei bantuk in hin a si.

Kawlralkap ralhrang le mipi humhhimtu tuzing i kahnak ah a nunnak aliammi hi minung hleikhat an si tiah an langhter. Tuzing suimilam panga le minute pakul hrawnghrang ah ralhrang kawlralkap hna nih mipi rungvengtu or humhhimtu Kalay Civil Army hna cu biatak thlak in an kah hna i, Zanlei suimilam paruk tiang ah a nunnak a liammi an langhter.

Tuni zingka thilcang in zanlei tiangah a nunnak aliammi hna hi minung hleikhat an si cang i, hliamhma a tuarmi hi minung sawmthum nga nak tlawmlo an si. A nunnak a liammi minung hleikhat chungah hin a lenglei rianttuantu hna zong an i tel hna. Culawng siloin ralhrang kawlralkap nih an tleih mi hna hi minung pahra hrawng an si rih tiah an chim chap.

Tuzing i kahnak ah hin ralhrang kawlralkap hna nih hriamnam ngan tampi an hman ruangah atu bantuk in hliam hma apu mi le a nunnak aliammi an tamnak hi a si tiah an chim. Tuzing ka in atu zan tiangah ralhrang kawlralkap hna cu khuachung ah a um hna i, hi ruangah mipi hna cu thinphang ngaingai in an um hna ti asi. March nithum in march ni sarih tiangah Kalay mipi a thimi hi minung 29 an si cang tiah an chim.

Be the first to comment

Leave a Reply

Your email address will not be published.


*