IANG LEN SUNG LE AHAWI LE FAKTUK IN A PHOMH CANG HNA

Kan Lai Gospel singers tthenkhat cu fak taktak in a vun phomh cang hna. Theihcio bangin tutan kawlram thimnak cu avun lin sa ngaingai hna i, kan hla phuah thiam hna zong nih tampi an phuah. Cu an phuahmi hla hna cu gospel singer tthenkhat hna nih an sakpiak hna. Ramkheel konghe pehtlaiin CNLD le NLD hna nih hla an phuah mi hi a tam lengluang cang.

CNLD dirkamh nak konghe pehtlaiin kan Lai Gospel singer tthenkhat hna nih hla an sak i, cuve bantuk thiamthiam in NLD dirkamh nak konghe pehtlaiin kan Lai Gospel singer tthenkhat hna nih an sak ve. Asinain cu tthenkhat nih cun Gospel singer hna nih hin Pathian hla te sa ko hna seh, an rian a si lo tiah a timi tampi an um hna. Tthenkhat nih cun an sak zongah a poilo atimi zong an um.

Cu lak ah ahnu bik thawngpang pakhat social media a vun laar ngaimi cu nizan i kha a si. Ahopaoh nih kan theih cio mi asi. Kan Lai Gospel singer chungah tthenkhat cu ram le miphun caah rian a ttuanmi an umnak hmun ah an kal i, uniform hrut in hla an sa. An hlasak mi kha tthenkhat nih cun CNLD hla asi lo tiah a timi minung tam an um hna.

Sihmansehlaw minung tthenkhat nih cun an hlasak mi kha CNLD hla bak asi ko atimi zong an um ve rih. Angai mi nih cun CNLD hla maw asi, CNF/A hla dah timi cu kan i fiang cio hna lai dah. Hi hlasaknak konghe pehtlaiin CNF/A camp ah hla asami hna cu Jackson thawng nih avun tthuat hna. Jackson Thawng nih a timi cu atanglei bangin hin a si.

Lai Gospel Singers pawl i ralring uh. Lai hla sak thiam singers Iang len sung le hawi pawl nan ning tal zak lo maw? CNF/A thuam i hruk in CNLD hla nan sak ngam mi hi Pathian fial mi ah maw i ruat lai uh ci party kong ah CNF/A hnursong hlah uh! Miphung tthengtu dingah Bawipa nih an thim hna lo. Credit: Jackson Thawng.

Be the first to comment

Leave a Reply

Your email address will not be published.


*