HLEN ZUMH SI PENG HI NINGZAK A SI TUK CANG EH

Kawl nih zei paoh chim hna seh, a zumhte zumh ti lo ding. Kum 70 leeng hlen zumh si peng hi ningzak a si tuk eh. Hi ràlpi hi kan dihlak tein, kan sikhawhtàwk thazaang, ngeihchiah, fimnak, kan pahrang cio kan chuah i lungrual tein kan doh ahcun kan tei hrimhrim lai. Kan tei bak ko lai. Phet aa chem i inn tang i aa thup rih duhmi pawl kha cu .teinak ni kan phanh tikah rak chuak cikcet lai u cih. Nan ningzah nan celh te lai lo i nan hmai tu kan in khaap sual hna lai lo. CNF, CNA, CDM, CDF hna rian lawng a si lo, kan ZAPI RIAN. Credit: Vapual

May be an image of text

Thawngpang relchih: Bayintnawng hlei pawng i kahdohnak ruangah ralhrang kawlralkap hna nih Yangon hmunkip kaakip ah check hlatnak an tuah. Tuni August ni 22 ah ralhrang kawlralkap le hriamtlai phu hna cu Hlaingtharya khuachung Bazinnawng hlei pawngah an i kap. Tuni i kahdohnak ah ralhrang kawlralkap lei in minung pakhat a nunnak aliam i minung zeimawzat hliam an tuar hna.

Hi kahdohnak a chuah hnu ah ralhrang kawlralkap hna nih Yangon khuachung hmunkipp ka kip ah check hlatnak an tuah tiah thanhnak an tuah. Ralhrang kawlralkap hna nih Insein siseh Cukung lei tiangin check hlatnak an tuah hna. Culawng siloin Hledan lei zongah an check hna i, a hlei in Taxi pawl an check khun hna tiah driver pakhat nih a chim.

Tuni thilcang ruangah ralhrang kawlralkap hna nih check hlatnak an tuahmi hi a zual hma ngaingai. Cimitaing khuachung Natsin lam lei siseh Nitbaan lam lei cun Cimitaing chaklei tiangin motor pawl zong check hlatnak an tuah rih hna. Tuzing suimilam pariat hrawngah kahdohnak a chuah hi a si. Acunglei langhter mi hmun le hma ah ralhrang kawlralkap tampi hna cu ralvennak an tuah i, hmunhma an la tiah theih asi.

Be the first to comment

Leave a Reply

Your email address will not be published.


*