Hihi Kan Si Ding Si Miphun Kongah Lungruan Timi Cu Pu Thla Hre Cu Sui Hlei Tial Kongah A Si Khawh Tawk In

Ka upa, HKA dawrhlun sang, Pu Thla Hre ( Retired PINE SIPIN HMU) ,HKA Chin PINE#1 MLA Independent candidate nih kan Fanu SUI HLEI ṬIAL kongah theihtlei a ka kuatmi a si. PU THLA HRE hi SUI HLEI ṬIAL kongah a rak tuar tuk ve timi a lang.Upadi ning in Tuah khawh zong aa zuam lai ka zumh.

Ka upat ngaingai.NOTE: Hihi kan si ding a si. Miphun kongah i lungrual timi. Hi ka upa hi..MIPHUN PARTY lungput a ngeimi a si .Independent in tling law.. Tutan cu Coalition Govt a herh te lai va sikaw….NLD ah maw MIPHUN party ahdah naa fonh te lai? tiah bia ka hal bal..( September thla ah) MIPHUN PARTY ah henta..a ka ti bal..HKA PINE#1 Hmunhma in PU VAN CHAN CEU of CNLD le PU THLA HRE Pakhatkhat an tlin khi a ṭha.Aa khat ko ka ti.

Crd, Tawk Cung

Thawngpang Dang Relchap=

Part 13,Ziknawh Eihmuarnak (Bribery and Corruption)Riantuan nak ah transparency langh, hngalh ternak aum lo ahcun dinfel lonak (biasses) he aa pehtlai ti asi. Democracy ram ah dinfel lonak le eihmuar nak (corruption) cu zawtnak thalo ban tuk asi caah cu zawtnak cu transparency lawng nih a damh khawh. Cu zawtnak thalo damnak si thlopbul nak (treatment) a pe kho tu sibawi (doctor) aherh.

Sibawi tha bik cu media asi i media zalawn nak aum lawnglawng ah thil thup aum lo (or) a tlawm bik ti asi.Mizaapi caah uknak tha (Democratic Regime) zeitin dah kan ser lai? Eihmuar nak le Democracy zaukphung cu aaral kah taktak mi asi i ram thanchonak a donkhantu bik le a hrawktu bik asi caah zeitin dah kan doh lai ti hi kan ruah hrimhrim a herh. Kan doh ding mi eihmuar nak hna cu a tang lei pawl hi an si.

Nawlngeihnak ruangah tangka tom le thil mansung a la tu.Nawlngeihnak in tuah piak duh ruang ah thil mansung le tangka tom a petu.Tuah ding tuanvo ngeih tung i tuah piak duh lo.Tuah piak khawh ko mi tuah piak colh lo in a ni a caan a rauh ter tu.Aruang tha le fiang tein chimfiannak ngei loin rian tuan tu.

Rammi sawhsawh te zong zei rel loin rikrak lawnglawng a hmang mi.Company pakhat nih a ri khiah mi amiak (profit) nakin tamdeuh a miakmai lak a hmang tu.A tha lomi pi a tha ko tiah mithmai zoh in cohlan a hmang mi.Quality control a tuahtu nih hmuhmi fiang tein a phuang duh lo tu.Quality control tuah dingah tuanvo ngeih tung i felfai tein a tuah tung lo mi.

Auditor nih tha tein audit tuah lomi cazin.Auditor nih a hmuhmi phuan ngam lo, mithmai zoh in riantuan a hmang tu.Amiakmai tamtuk lehpek lak a hmangmi. Cuai tling loin thil zuar ahmang mi. Cung lei bawi bia lawng ngaih i ram mi asi mi zeirel loin riantuan a hmang mi cozah riantuan tu.Mizapi theih awktlak tlamtling tein a thanh duh/ngamh lo tu.
>Mizapi sinah ca le cazin theihter a duh/ngamh lotu.

Mizapi nih kan tih hna seh tiah tlerhkhawn le hrocer a hmang mi.Sifak santlai lo nih zei a ka pe kho lai lo tiin thleidan nak he rian atuan tu. Mirum mithmai lawng azoh tu. Lih in rian atuan i thuhnawh ahmang mi.Mah zawn lawng ruat (self seeking) in ram riantuan tu .A cung lei hmuh sak mi vial te mipi he i bawm in kan doh hrimhrim lai.

(ka rak peh than lai)

By Pu Thla Hre

Be the first to comment

Leave a Reply

Your email address will not be published.


*