HI PARTY PALI CHUNGAH CHINMI NIH ZEIDAH VOTE KAN PEK LAI

In 2020, Whom You Are Going To Vote In Chin State? CNLD, CNP? ZCD? NLD? USDP? Thimnak nikhua a nai thlauhmah bantuk in mipi hlennak le a bi tuk mi ruahnak a ngei mi hna aw-aan le hmurka a lang thluahmah cang. 2020 Election ahcun cu party theng2 kha party theng tiah mi hrokhrol pawl an aukhuang ngai cang.

Rak i zumh sual lai cih. An bia cio cun CAKEI KA a pur ngam ding an lo cio lai nain a hrum thawng ( Cakei hrum)cu chim lo a keneh an hmuh ah a zam ding candidate pawng zong an tawr tung. Cu lak ah online in CNLD e NLD e USDP ….ect.. e tiah a au khuang pawl zong cu ve tthiam tthiam, vairaang zat.

Kawlram( Myanmar) cu Multiparty System a si caah Party zoh in VOTE thlak nakin a MINUNG( personal) zoh thiam in VOTE thlak ah a ttha deuh saumau ti hi kan philh lo ding ah theihternak vun in tuah ve tthan hna ka duh.A MINUNG zoh ka ti tikah zei tindah kan zoh hna lai i, an zei dah(a zeidah) kan zoh hna lai? Keimah ka theih khawh tawk;

Pakhatnak. A nuncan ziaza( behavior) 2. A fimthiamnak(cawnnak), theihhngalhnak , a thil ti khawhnak( qualication (or) proficiency and abiliy) 3. Rian i khinhnak le ttuanvo laknak( Resposiblity and Accountability) 4. A khuasak tintuknak( a chungkhar khausak) le a pawcawmnak rian( living standard (or) family livelihood and profession) mah hna pawl hi a tawinak in ka vun langhter.

Hinak zong hin tampi aum rih theo lai tiah ka ruah. A tlawm bik ah hi tal hi cu kan zoh hna a herh ko rua tiah ka ruah.AD Kum 2000 hnu ah Election voi(2) kan ton cang. Kan CHIN ram chung ah PARTY zoh in VOTE kan rak thlak sual ruang ah a phichuah cu nihin kan diarhmun zoh ah nan i fiang cio ko lai. Voi(2) tiang an kan hlen cu kan mawh lo hei ti ko usih.

A voi(3)nak kan i hlenter khawh tthan rih hna a si ahcun nu/pa , unau le hawidawt hna kan mah mawh phorh kan hau ko cang hnga( mi santlai lo tak tak kan si tinak a si ko hnga). A poitu ee ti pin ah a zei thim ding dang kan ngei ti hnga lo. Minung kan si caah ttanh hlei le dawthlei mi cu kan ngeih phung a si ko. Asinain, ttenhhlei mi le dawthlei mi kan ngeih ruang ah thil ttha a si ko mi i theihter/ i hmuhter lo (kan sungh ding )a si ding ahcun khua faak piin kan ruah a herh ngai tiah ka ruat.

Ttenh hlei mi PARTY ka ngeih lo bantuk in keimah nih ka zumh mi hna nimung bak lawng VOTE ka timh hna. Keimah diarhmun in ka chim law law ko a si ahcun, kei cu Thangtlang peng Zophei Tlang ah a chuak mi le ka VOTE hmun a si caah hitihin thimfung( vote) ka tlak lai tiah kaa timtuah.

Pakhatnak. Pyine Dr. Hmuh Thang (Zei ruang ah dah Dr. Hmuh Thang VOTE ka pek hnik? A zuamcawh ding mi hna he an cuai ka tlai chun hna tik ah a zei lei hmanh in an tluk in ka hmu lo. Cu ti ka ti tikah zeihmanh an si lo ka tidubnak tu cu a si lo. Pi Ni Sui Lian hi phunhram( chuahkehnak) in chungkhat kan si. Ka ni tiah ka aoh. Pu Rung Kaw( Saya Hmun Rung Lian) zong hi tangkua, tanghra lio ka saya a si pin ah ka tihzah mi zong a si).

Pahnihnak. Amyo Pu H. Van Thio( hi ka zawn hi cu hrinhfiah len hau ah ka ruat lem lo). 3. Pyituh Salai M. Van Bawi Lian. ( Pu Zo Peng hi a konglam ka theih tawk ah ka uar bak mi a si. Pu C. Za Cung tu cu ka thei kho tuk lo. Salai Do Khar zong hi a konglam ka thei tuk lo( Ram rian pi vun i khinh taktak ding ahcun a no deuh rih ka ti. Cun, kum no te(27) lawng a si rih ko caah chance tamtuk a ngei rih ko ka hei ti pah).

Asin ah ziah Salai M. Van Bawi Lian ka VOTE kun lai? Kum no te a si pin theihhngalhnak le cawnnak ttha a ngei mi a si( Chin State ah politician an tamnak bik khua mi a si caah a mah nih a phanh lo mi zong a cheubau tu an um hnga lo maw tiah. Hehe.. (capo). Cun, thim mi ka si ahcun tiah bia a chimnak ka zoh tik ah ka lung a tling bak i a zumh zong ka zumh fawn.

Theihternak;Kan candidates nan zapi upatnak le hmaizahnak kan pek hna. Nan i tumtah mi cio cung ah kan biak a nung Pathian nih aa ttha an ti hna ning cio in inhruai hram cio ko hna seh!1. A tu tiang an thanh cang mi chung in ka ruah mi an si hna i a karlak ah a tleng nawng mi hna an um ahcun a zeimaw zawn cu ka thleng kho ve te men( ka thim mi hna minung an i let dah ti lo ahcun i thlen ding a um ti hnga lo).

2. Keimah ruahnak le hmuhnak a si caah na hmuhning le na ruahning he kan i khat lo kho men. A herh tiah na ruah ahcun kan i ceihhmai tti te lai.3. Tlikzuamnak ah pakhatnak hmuh kan duh ruang ah kan pawng pa a ke khiah kan duh mi lungput hi cu kan i tthinh hrim hrim a herh cang. Teitu kan sinak ding ca tu ah faak deuh in timhtuahnak kan ngeih ding tu hi philh hna hlah u sih.

Pumpaak le PARTY soisel duhnak le thlanglamh duhnak a tel lo. Cafang palh sual mi le bia dawhcah lo mi ka hman sual a si ahcun nan ka ngeihthiamnak ding ah le theihternak nan ka tuah tthan ding ah toidornak he kan sawm hna. Credit: Roland Thang