HARSA TUK IN VOK AN THAH HNA NAIN NLD NIH AN LANH BAK KO HNA HIH

2020 Rampi thimnak caah NLD tlangau. “Mee a kan pe lomi cu Cozah kan tlaih tikah bawmhnak kan in pe hna lai lo” 2017 MP Bawi Khing nih TCP interview ah a chim. 2015-2020 kar Chin Party nih a teinak khua Ruavan le Lamtuk ah MP Hniar Uk le Hluttaw Speaker Pu Zo Bawi nih voi tam lak te an chim.2020 August 16 Lamtuk khua ah Vice President Pu Henry Van Thio nih a chim.

2020 August 16 Pu Sonny Thang Cung (NLD- Hakha constituency no. 1 Candidate) nih “Tlangrua kha mee a kan pe lomi khua an si caah voikhat cu vok an thah i Hluttaw Speaker kha khual a tlawnnak ah an khua in an rak don nain dir duh loin kan lanh tak ko hna” tiah a chim. Minister Sui Thio nih Hakha Post interview ah “Arsa ei khat lo cu kan idaw kho lai lo” a ti. credit: Salai Ngun San Aung. Ref: TTF (Khua Lian Hmung).

Uar a umtuk mi kong relchih: Chinchin Pekthang An Hmuh Cio Ning: Chinchin Pekthang te chungkhar hi Vanzang hrinsor poh nih cun theih mi, upat mi le bochan mi an si. An phaknak khua le ram kip zongah Krihfabu le community tthithruainak le rianttuannak ah bochan mi an si zungzal. U Chin hrimhrim hi cu zohchunh tlak taktak a si.

Vawlei cung hruaitu ttha hna nih an ngeih mi raltthatnak, dinfelnak, miphun dawtnak, midang zawnruahnak, le teimaknak lungput a tlinh. Chin ram chungah a sang bik le kan ttihzah bik mi zung ah rianttuan ding mi cu, an lungput, ziaza le tuahsernak ah Chin miphun nih kan i zohchun ding mi, an hnu kan zulh duh ding mi, le kan miphun kong hna zalong tein kan ruah ngam ding mi an si a herh. Cu vialte cu U Chin nih hin a tlinh tiah ka ruah. By, Ram Nun Cung

Kan Chungkhat chim cio hna usih. Sang Hre ttialmi: Australia, Mipeem Caah Cozah Policy An Thlen Tharmi.2006 ah mipeem 560,000 nih mirang holh an thiam lo. 2016 milu relnak ah mipem 820,000 leng nih mirang holh an thiam lo. Atu la bang ahcun million leng an si cang lai tiah Hon Alan Tugde MP, Acting Minister for Immigration, Citizenship, Migrant Services and Multicultural Affairs nih nizaan tih ni National Press Club biachimnak ah a chim. Mirang holh a thiam lo mi hna chung in 100 ah 13% lawng nih rian an tuan lio ah holh a thiam mi cu 60% tluk rian an tuan tiah a chim chep.

Prime Minister siseh, Minister hna nih National Press Club i bia an chim ah hin an policy thlennak an tuah mi kha (Announcement) btk tuahnak ah an hman theo. Thlennak 2 an tuah mi hna cu pakhatnak. AMEP (Adult Migrant English Program) hi Federal Cozah nih kum khat ah $1 billion investment kan tuah mi a si. Suimillam 510 cawn ter an si. A cheu cu suimillam 1090 tiang cawn khawh an ngah. Asinain, a buaktlak in suimillam 300 tiang deuh lawng hi caan lak in an cawn mi hna a si.

Cucaah, minung 100 chungah 21 lawng hi tlawmpal te ai chim rel kho an si. Mah hi a tha hrim lo mi a si. Cun, kum 5 chung tiang lawng mah free class kha kai khawh a si. Atu hi thawngthanhnak tuah ka duh mi cu tuchun ni thok in Mirang holh a thiam lo mi paoh cu PR nan si ah, citizen nan si ah free tein nan holh khawh tiang kai khawh a si. Holh thiam lo in kan ram mi he fontonh khuasak tti (local integration) hi a si kho lo mi a si. Pahnihnak. Australian rammisinak cu asunglawi tuk mi hmuhton mi caantha (privilege) a si bantuk in tuanvo (responsibility) he a ra mi a si.

Australian miphun nih kan cohlan mi man (value), kan upadi a zul mi le Australia ram hmailei ah lam tam piin taltumnak (contribute) a tuah kho mi hna lawng rammisinak kan pek hna awk a si. Cucaah, ara lai mi caan thok in rammisinak a sok mi paoh nih Australian Values Statement kha citizenship application he ttuai in mithut chih a si cang lai tiah thawng a thanh chih. Chirhchan: Press release from Department of Home Affairs. Credit: Sang Hre

Be the first to comment

Leave a Reply

Your email address will not be published.


*