HAKHA UMMI CAAH THAWNGTHANH NAK, 12 TIANG AN ON LAI

Thawngthanhnak: Hakha Covid-19 Test a duh mi nih, July 14, 2021 (Nikhatni) ah Carson Hall le City Hall ah zing sml 10:00 in chun sml 12:00 tiang test khawh a si. 2. Hi testnak hmun ah damlo deuh ruang i motor tlunkalpi a herh mi ca ah tlunkalnak motor bawmhhal khawh kan si. 3. Covid-19 zawtnak lungrumhmi le home isolation tuah mi chungkhar hna ca ah sii-inn kalpinak le test center kalnak ca ah motor bawmhhal khawh kan si.Pehtlaihnak: Pastor Ngo Za Khup 09400311644, Pastor Sui Mang 09423661278. THT

Hakha | Kt.Pau | Flickr

Thawngpang dang: Kawlram mipi dihlak caah raltha taktak in ralkap a dohtu, UN palai a simi U Kyaw Moe Htun kong ah Ralkap Council an celh ti lo. US Cozah sin ah cakuat an tial tiah an mah Ralkap lila nih thawngthanhnak an tuah. U Kyaw Moe Htun cu Rampi hruaitu a simi Ralkap Council dohdalh in a cawlcang, Ralkap a rawitu a si, cu caah a sualnak bantuk in biaceih le Dantatnak pek ding in US Cozah sin ah cakuat kan tial tiah Ralkap Council nih thawngthanh nak an tuah nak ahcun an langhter.

U Kyaw Moe Htun cu UN ah Kawlram aiawh in Parmanant Palai a sinak kan cohlang lo. Ralkap Council nih phungning tein kan thlah mi a si ti lo. Cun Ralkap Council hruainak taang ah a sualnak biaceih ding a si cang. Cu caah US Cozah nih nan ram ah a um lio mi U Kyaw Moe Htun cu kan kut ah rak phak ter uh” tiah Ralkap Council nih US Cozah, Ramleng pehtlaihnak sin ah theihternak an tuah hi asi.

U Kyaw Moe Htun cu Kawlram aiawh in UN ah Parmanant Representative in a um mi asi. A si nain ralkap nih rampi uknak an lak hnu in, mipi lei ah a dir i UN mipi hmai ah Kawl ralkap that lonak, cohhlan awk an that lonak fak ngai in a chim. Cun nihin tiang zong ah ralkap Council a tlak khawhnak ding ah heh tiah a cawlcang mi asi.UN zong nih nihin tiang ah Kawlram aiawh palai ah an cohlan mi asi.

Be the first to comment

Leave a Reply

Your email address will not be published.


*