HAKHA UM, PU KAM LO KONGAH CHUNGKHAR AN LUNGRETHEI TUK CANG

Lairam or Chinram khuali ah thil a cangmi, ralhrang kawlralkap hna thiltuah cu lung a fak hringhran ko. Tuchun ah ralhrang kawlralkap le palek hna nih kan pu or kanpa a si cangmi Pu Kam Lo zong an tleihmi hna chungah ai tel tiah zumh a si cang. Hi konghe pehtlaiin The Hakha Times thawngzamhnak nih tuchun konghe pehtlaiin a langhter mi cu a tanglei bangin a si.

Nihin March 25, Palek le ralkap nih an tlaih mi hna chung ah kum 70 deng a si mi upa Pu Kam Lo aa tel tiah zumh. Hi kong ah a chungle nih, ” Atu tiang in a rak hlam lo phone kan chawnh zong ah kan chawn kho lo. Kan lungre a thei tuk. Nihin an tlaih mi chung ah upa aa tel an ti i amah a si ko lai,” tiah The Hakha Times ah an chim. Nihin Hakha ah Palek le Ralkap nih minung 10 hrawng an tlaih hna. Hi an tlaih hna lio ah a hmutu nih kum 60 cung upa pakhat tlaih mi chung ah aa tel tiah an chim. Chirhchan. The Hakha TImes.

May be an image of one or more people, people sitting and motorcycle

Relchih Tuchun Hakha kong abiapi taktak mi: Hakha ah a ummi kan chungkhat vialte chim cio hna usih, Aho hmanh lengah rak chuak hrimhrim hna hlah seh. Atuhi kawlralkap sahrang an vak cuahmah cang, Curuang ah Hakha khuapi chungah a ummi vialte aho hmanh lengah rak chuak bak hlah uh. Atu hi ralhrang pawl khualak ah mitleih dingin an um cang ti asi.

Cucaah Hakha khuachung ah a ummi kan chungkhat cingla rualchan vialte hna nih hi thawngpang hi an theih lo sual ahcun hi cabia a hmu mi vialte hna nih chim cio hna usih. Rianrang in thawngpang zong theihternak tuah cio hna usih. Tulio cu kan theih cio bangin nizan thok in ralkap le palek nih an zia an chuah cang. Thilsining kan theih cio cang hna.

Hi konghe pehtlaiin a tu nai te ah khan nawlngeitu or rianttuantu hna nih thanhnak an tuah mi asi caah biatak tein zulh khawh i zuam cio hna usih. Hi konghe pehtlaiin thanhnak an tuah mi cu Aho hmang inn leeng rak chuak ti hlah uh law! Aleng chuak mi kan chungkhar, kan hawile kha tin zok ding rak chim hna uh law. Ralkap le Palek nih Lam kam i hmuh mi poh Tlaih ding in timhlamhnak an ngei. Pahnih zong an tlaih cang hna. Kan Mipi chung in tam tuk a kan tlaih cang i tlaihchap ter ti lo ding mu. Tiah thaawngthanhnak an tuah.

Langhter cang bangin ralhrang ralkap hna nih an ziaza ttha lo chuah hram an thok cang. Cucaah hruaitu hna nih thanhnak an tuahmi hi zulh khawh i zuam cio hrimhrim usih, a thei lomi kan um sual ah atu rianrang in chungkhat cingla rualchan vialte thanhnak tuah hram hna usih, Kan hawinu kan hawipa nih an theih khawh cio hna hnga share rak tuah cio usih. Chirhchan. Hakha Campaign For Justice.

Be the first to comment

Leave a Reply

Your email address will not be published.


*