HAKHA RALKAP SAKHAN AH CHIAHMI HRUAITU HNA THAWNGPANG THAR

Update news: Hakha Ralkap sakhaan ah Hluttaw Speaker Pu Zo Bawi tel in Minung 4 hren an si rih, Minister Housing in February 4 ah chuak dih u, an ti hna. Hakha Rungtlang Ralkap Sakhaan (266) ah Hluttaw Speaker Pu Zo Bawi, Hluttaw Vice Chairman Pu Tic Thang, Sipin le Electric Minister Pu Soe Htet le La-Wa-Ka Minister Pu Phwe Arr cu February 3, zinglei 9:00 tiang hren an si rih i a dang zong atu Minister Housing (Vuanci inyar) in February 4 ah chuak dih u, an ti hna, tiah kan theih.

Chin Ramkulh Chief Minister Salai Lian Luai tu cu February 2 ah an thlah than cang, tiah kan theih.Hi kong ah Hakha Ralkap lutlai (Beuharhmu) U Thant Zin Oo nih, “Zeitik tiang hren ding le thlah than ding an si cu kan hngal kho ve lo,” tiah The Hakha Times ah a chim. Minister Pu Sui Thio nih, “Keimah, Minister Pu Pau Lun Min Thang, Minister Pu Vui Kaw, Minister Pu Mang Hen Dal cu an kan thlah ko.

An sakhaan an kan hren lio ah rawl tha tein an kan pek ko. Kan thitum-kai tiang in an kan zohfel ko. Ministers 4 hi an kan thlah. Minister Pu Phwe Arr belte hi an hren rih ko rua, an thlah ti thawng ka thei lo. Anmah ralkap nih an kan ti ning ahcun, February 4 khi nan umnak inn in chuak dih cang u. Khual tlawng hlah u. Chungkhar he hmun khatte ah um ko u, an kan ti,” tiah The Hakha Times ah a chim.

Ralkap nih February 1, zing ah kum khat chung nawlngeihnak an laak. “Kum khat hnu ah thimnak kan tuah than lai i a tei mi party sin ah nawlngeihnak kan pek te hna lai,” tiah an thanh. Atu hi Chin Ramkulh Cozah in tuanvo ngeitu upa minung 4 zong Rungtlang Ralkap sakhaan ah hren an si rih, tiah kan theih. Credit: The Hakha Times

Relchih:LAWMHBIA CHIM NAK. Hakha dinlo sang i a um mi kan nau pu Hrang Cung te chungkha nih an ton mi sualhuah nak le thih loh nak kong ah.Kan ngaihchiat nak a kan hrawmpi tu le a kan hnemtu ramchung ramleng um mi unau.cingla rualchan le hawidawt vial te nan dih lak cung ah lunglawmh nak tampi kan ngei ti hi kan lunglawmh bia chim nak ah rak kan cohlang cio ko u ti in lawmhnak bian kan rawn chim.

Tu tan date 02/02/2021 ni i kan nau pu Hrang Cung te chungkhar nih an ton mi sual huah nak hi minung thinlung in tuar khawh ding in arak har tuk ning hi nan kan hngalhpi i nankan tuar picio mi kanhmuh tik ah kan lunglawmh zia hi achim zia hmanh kan thiam lo.Tuar in nak hi minung hmurka in i hnemhkhawh asi lo zia cu kan thei sihmanh sehlaw hi mung humurka in kan i hnemh nak le kan i tuarpi nak hmurka thlum nih kan thinlung ah zei maw zat rian attuan ve.

I, zeimaw zat inkhawh nak tthawn nak akan pek ti hi kan hmuh tik ah kan chiat ton nak cung ah akan tuarpi tu ramchung ramleeng um mi cingla rual chan unau hna le hawikawm dawt nan dih lak cung ah lunglawmh nak chim cawk lo kan ngei. Nankan dawt nak kanin lehrul kho hna lai lo. Kan biak mi kan Pathian Jesuh khrih tu nih nan dihlak cung ah thluachuah nak in pe cio hna seh law dam nak tthawn nak le lawmhnak he lam in hruai cio kha seh.

Ka bia daongh nak ah kan chiat ton nak i nankan tuar pi le nan kam hnemh nak bantuk in tan tak mi chungkhar dih lak ca”h dong lo in thla nan kan campiak leng mang rih nak hnga kan Bawipa Jesuh min in nan dih lak sin ah thlacam kan cah ko hna. Kani lawmtuk hringhran. Bawipa nih thluachuah in pe ko hna seh. S.Ngun kio te chungkhar
Australia. Credit:Mgkyaw Siakhel

Be the first to comment

Leave a Reply

Your email address will not be published.


*