HAKHA, PYIDAWTHA SANG KHUABAWI NIH THANHNAK ATUAH CANG

COVID-19 ZAWTKHAMHSI KONG THEIHTERNAK/Hakha, Pydawtha sang chung um chungkhar vialte hna, kan ram Cozah nih a rauh hlan ah COVID-19 zawtkhamhsi chunh ding in timhlamh a si i, kanmah Chinram le Hakha kan sang zong a ruah hlan ah chunh ding a si. Cucaah mahle sang cio Khuabawi tlaang nih chungkhar cazin a rannak in laak ding a si.

Cucaah nanmah le chungkhar cazin (Ingthawngsuh cazin) kha ready in rak kan chuahpiak cia u tiah kan in nawl hna.Nan chungkhar cazin ah a um lo mi nan sin i a um mi hna zong: An min, an chuah kum, hmahpungtin number kha rak i laak / hal cia hna u. Thaizing (January 26) ah laak dih ding a si ca ah ready tein rak kan chiahpiak u tiah kan in nawl hna.Pu Bawi Lian. Khuabawi, Pyidawtha sang. Hakha, Credit: The Hakha Times.

Relchih: Tinhmi Ngeih( Ahohmanh thiam cia le a fim cia in kanchuak lo) Thil natinhmi kha midang idonhter hna hlah! hmaikal tu kha i zuam. Paul nih kawl tung leiah ka tli a dih khikkhek tiang phak dingin a ti bantuk khan a si. Midang caah comment thalo tial nathiam bantuk in, comment tha tialthiam i zuamve hna usih. Midang sualnak thatlonak le tlinlonak kan zoh kanthiam bantuk in midang thatnak zohthiam ve kan herh.

Ca tamdeuh kan tial , tamdeuh kanpalh lai i, tamdeuh tial kanthiam deuhlai ve , tamdeuh nunzia kan iremh ve lai.Biachim deuhpoah tamdeuh kanpalhve nain chim kan thiamdeuh ve lai. Sur a vuikhatnak cu na duhning in an chepthiam lailo nain na chep lengmangah cun na duhnak ka na khen thiam ve lai.Tinhmi ngeih, tlinh caan le hmuh caan na phan ve te lai. Thil na duhmi kha tuah ve tuah usih. Kan thihhnuah tuah caan kan ngei ti lailo,

Pathian nih nunnak a kan pekmi chungah a mah muisam kan ken hi a biapi, a sunparnak kan nun chung kan lanhter hi a riantuan a si ve. Sehtan kha thilak thahkhawh i zuam pathian ram kauhter tu kha a kan fialmi rian cu a si.Tinhmi ngeih cu tlangpar kai bantuk a si a har. Caan sau kan nung lan lailo, kan kiarthan ve ti lailo, vukhat hrinfa kan si. Vuihnih kan chuak nolhthan ti lai lo.

Idawt caan le lungrual te in lenti caan hi a tu caan hi a si. Pathian nih kan chuah hlanpi in tinhpiakmi a kan ngeih dih cang.Kan dihlak a nungmi vialte Pathian dawtmi kan si. Kan thluachuah pakhat hnu pakhat relthan tuah hna usih, Pathian a that ziahi chimcawk lo dawtnak he a kan umpi zungzal.Vulei pumpi hmanh co k usihlaw vuleiah hin kan lung a tling kho bal lailo, nihin kan tikhawhtawk cungah i lam ko usih ilawm zungzal ko usih. Tinhmi ngei bu in Van cung ram tu khi kan i ruah chan. Credit:JTZT

Be the first to comment

Leave a Reply

Your email address will not be published.


*