Hakha Peng Le Thantlang Pengah Ram Buainak A Hrampi Cu

HAKHA PENG LE THANTLANG PENG AH PUPA RAM BUAINAK HRAMPI,Hakha- Thantlang peng nih Chin National Day (1948) thok hnu in Pupa ram kan ngei tilo timi cu kan i fiang dih cang.Kum 2010 hnu ah USDP party nih kan Kawl ram a van hruai le cangka in, Hakha khuasa Pu Dawt Cung le a nupi Pi Toemah hna cu Kawl ram chung vawlei man a santuk ruangah Hakha i an vawlei thing cu kan mah pupa ram tiin Vuancichoh Pu Hung Ngai chan khan buai hram an rak thok.

(Hi kong cu The Hakha Post zong ah an rak langhter cang). Sihmanhsehlaw Pu Hung Ngai nih upadi ning tein a zohfel hnu ah Pu Dawt Cung le a chungkhat pawl cu an dai than.CucaahUSDP chan ahcun Hakha peng le Thantlang peng ah pupa ram kong ah buaibainak a rak um lo.An daihter khawh.
2015 kum in NLD cozah a hung kai tik ah Vice President a simi Pu H.Van Thio cu a chungkhat hna nih bawmhnak an hal i (tainyin se wa ) quater sak ding ah foundation an chiah ciami kha an mak ter hna.

Cu an mak termi hna hmun cu sayamah Far Ki te nih kan pupa ram a si an ti. Pi Far Ki te chung cu H.Van Thio a rak zohkhenhtu an si. Hi kong ah hin Hakha khua nu khua pa Pu Siang Mang zong nih Chin state acozah zong hi thil nan tuah ahcun buainak a chuak lai tiah fakpiin a rak ti lengmang hna. A sinain Vice President mithmai an zoh ruangah an holh ngam lo. A taktak tiahcun Hakha kek nih Hakha khuapi thanchonak ding ah an pupa ram hi an sian tuk ko nain hi bantuk in V P nih upadi ning lo in le mah chungkhat sahlawh rualchan(arrsa eikhat) ca lawng ruat in a thil ti khawhnak a hman ruangah hi pupa ram buainak hi a mah nih Hakha le Thantlang peng ah a chuah ter kan tiah cun kan palh lai lo dah.

Pathian pekmi hruaitu tiah kan ruah mi V P H.Van Thio cu Hakha le Thantlang peng caah cun 1948 i a dih cangmi Ram Uk Bawi pennak le pupa ram kong ah a thar in buainak a chuah tertu kan ti ahcun kan palh fawn lai lo.Hi kong cu Hakha mi hna nih fiangtuk in an ka chimh caah zei bantuk paoh ka ngamh ko.2010 in 2020 tiang hi USDP nih kan hruai kho hna sehlaw, hi bantuk buainak hi a um hrimhrim lai lo tiah ka chim ngam. Tu kum 2020 thimnak zong ahhin Kawl rawn ahcun

USDP nih teinak hmu sehlaw, Chin ram ahcun CNLD hmu ve hna sehlaw a hlan 2010 in 2015 lio bantuk in Chin ram hi kan hruai hna she ti hi ka saduhthah a si.
Tutan thimnak ah me ka pek dingmi hna cu:- Dr. Hmuh Thang ( miding le mifel asi.)Dr. Van Hmun Lian (Mi raltha si i a hmanmi cung ah pet ko in a chim ngam. A ding fel)Pu Zo Peng ( chiatni thatni ah bochan awk a tlak)Saya Rung Kaw @ Hmun Rung Lian(Mitha a si Cinthlaknak lei le NGO/INGO ah theihhngalhnak tampi a ngei si)Kei ka thlacamnak cu USDP nih teinak hmu hnasehlaw ka awituk lai.
By…Thantlangpate
USDP Lover

Crd

Be the first to comment

Leave a Reply

Your email address will not be published.


*