HAKHA NLD AH AA FIT BIK MI BOCHANMI KAN PU NIH ALUNGFAHNAK APHUAN

Phuang ve cang ning ka lungfahnak. 30 June 2020 ni in NLD party le Halkha peng NLD executive member in ka chuak cang.Ka chuahnak aruang hna cu: 1.12 June ah tuahmi Halkha peng NLD candidate thim lio ah zei bantuk dah acang ti cu nan theih cio dih cang.Peng EC member cheukhat nih a thlithup le ningcang loin vawi 3 bak meting an tuah i an nawnnok dih.

Azizu tu an um lo.Party ah biatak tein aa peemi tu thim loin midang an thim hna..Senthang Halkha le Miepeng Zokhua lei tiang in nan lung afak cio ti kan theih. 2.Halkha peng NLD party hruaitu pawl hi PAT lawng an si i an hmuh ning zong hi PAT level lawng asi. NLD headquarter in an chuahmi ဒီလွိုင္းဂ်ာနယ္ lawng hi an rel khawhmi asi.

Times Magazine le Newsweek te hna cu arel cu chim lo a hmuh hmanh an hmu bal lai lo.CNN le Al Jazeera zong a thei balmi an si lo. India ah state pa zeizat ti hmanh an hngal lai lo.National League for Democracy timi zong hi zohlo in tial ter hna usi law athiam lomi an tam lai.Phundang in chim ah cun cirik akai ciami lawng an si.Little knowledge is dangerous tikhi an si.

Keimah hi Yangon ka rian ka kaltak i 2017 kum dih ah Halkha NLD party ah ka lut i Township EC member ka si.Thlakhat vawikhat tuah mi meting poh ah bau lo tein ka kai. Halkha NLD zung ah foreigner an rat tik ah keimah le Dr.Moses Thla Cung hi biachawn tu kan si. Meeting kai tik poh ah Pu Thla Hre le Pu Lian Ceu hi transport tuanvo la tu an si.Ahnu cun keimah zong nih ka bawmh ve hna.

Chin State Hluttaw Speaker Pu Zo Bawi khual atlawn tik poh ah ka zulh i Mekazin ah ka tial.Social media kip ah laica kawlca le mirangca in ka thanh dih.Thinthang magazine kum khat ca ka hlut rih hna.2019 May ah Yangon NLD headquarter ah tuahmi Research Group meting ah Laitlang aiawh in ka kai.Challenges for 2020 Election timi ah Laitlang aiawh un minit 10 bia ka chim.

Media le adangdang nih an ka hal mi vialte zong ka thiam tawk in ka leh khawh hna. 2019 June 26 in Sep thla dongh tiang USA ah ka tlawng i State tam nawn ka phan.Lai Church le civui hna ah vawi 6 bak NLD party caah bia ka chim. Halkha Cherry Lam ah inn le lo he tlariprep tein khua asami ka si. Yangon ka rian kaltak in kan Lairam caah tuan ve ding in kaa tim nain an ka pee duh lo.Cu caah ka rak tlaihchan ngaimi le ka tanh tukmi NLD in ka chuahnak asi.

Keimah kong tawite 1.Health Assistant riantuanmi ka si i kum 40 deng ka tuan hnu ah vuanthok reng in pensen ka la. 2.Myanmar Health Assistant Association ah President ah vote in an ka thim i 2016 tiang ka tuan. 3.Yangon Lanmadaw ah zung athu i Philippine Company asi mi Hc Nielsen Co.Ltd ah Mananing Director ka tuan. 4.Rian ka tuan lio ah an cozah sawmnak thawng in New Delhi le Thailand hna ah meting vawi 2 veve ka kai.International hmai ah English in vawi 3 bia ka chim.

Panel Discussion ah kaa tel.UNFCCI ah English in tuahmi press release ah minung 5 chung ah kaa tel. President U Thein Sein chan lio ah Myanmar Health Resource Management Committee member ah an ka thim ve. Kan thiamnak le ka tonmi zong nih a tlinh veko nain an kan thim duh lo. Atu cu kum 70 ka tling cang i hmailei ah cun kaa tel kho ti lai lo.Fa le biangaih can asi cang tiah ka ruah.

Nan sin ah telve ding in a ka sawmtu party dangdang cung ah ka lawm.Kan telpi khawh hna lo caah ngaihthiam kan hal hna. Candidate list ah ka min an hmuh lo caah ramchung ramleng hawikom le aka hngalmi pawl an ngaih a chia.Yangon le Taing le Pine dangdang in NLD ka hawile zong an lung a nuam lo.Ngaihchiatpinak ca an ka kuat.

Cu caah a cung i ka tial bang in cirik akai ciami le Party awnnak ruat loin Tender ngahnak lawng aruat mi le Amyota Naingnganzi le Party naingnganzi hmanh athleidang kho lo mi PAT pawl tang ah um ka zuam ti lo caah party in ka chuahnak asi. Ara laimi thimnak ah mizei dah mee kan peek lai ti zong Halkha nih biatak in ruah aherh cang.2015 lio ah cun NLD asi mi poh rak peek asi.Aralaimi ah cun minung zoh kan hau cang lai.

Kan Halkha caah atuan kho taktak mi le Halkha a daw taktak mi lawng kan peek ahau tihi naa fian ahau cang.Ownership cu Halkha kan si.Baibal caJoshua chung bang in “Kei le ka innchungkhar cu kan i fiang cang.Ka rualchan le ka khuami zong an i fiang dih cang.”Aa fiang rih lomi zong fian ter ding in program ka ngei cang. A herh ka ti tik ah social media ah kawlca in ka tial than lai.

Fianternak: Mah ca hi NLD party le pumpak in aho hmanh ka soiselnak asi lo.Hakha Township NLD EC pawl cung ah ka ngaihchiatnak ka langh termi asi.Nihin ah Hakha Post ah an chuah ciami asi. Lungsau te in aka relpiakmi cung ah chim cawk lo lunglomhnak ka ngei. Catialtu No Al

Be the first to comment

Leave a Reply

Your email address will not be published.


*