HAKHA MIPI A LEIRAWITU RALKAP SAL TUCHUN AH AN TLEIH MI

Chinram khualipi Hakha ah Kawlralkap ralhrang hna thawngpang a pe lengmang mi pa cu an tleih cang. Kawlralkap ralhrang hna nih hramhram in uknak an lak hnu ah mipi nih lamzawhnak in ralkap ralhrang thiltuah cu doh asi. CDM a tuahmi hna cu Kawlralkap ralhrang hna nih an sining siseh, mizeidah an hruaitu asi timi theih ding ah rian an fial hna. Cuchungah minung tampi an tleih hna i, ralrinnak an pek hna.

May be an image of one or more people and people standing

Tuchun ah Hakha CDM atuahmi pawl a ngiathlaitu pakhat cu an tleih i, ralrinnak mino pawl nih an pek hnu ah an thlah tthan tiah an langhter. CDM atuah mi hna an cawlcanghning vialte hman a thlak hna i, cunglei ralkap ralhrang hna sin ah thawnthanhnak atuahtu asi tiah an chim. Mah an tleihmi pa hi a liamcia February ni 11 ah duhlonak arak langhtermi hna MINO hruaitu pawl hman athlami zong asi tiah an chim.

May be an image of one or more people

Hakha ah Ralkap Thawngpetu Pa an Tlaih: Hakha khua i CDM a tuahmi hruaitu hna le tualchung reporter pawl an cawlcanghnak pawl hman a thlak hna i cunglei ralbawi pawl sin ah thawngpang a petu pa (ဒလံ) mino nih an tlaih i, ralrinnak an pek hnu ah an thlah tthan.Hi pa hi February 11 lio i Chin ramkulh cozah zung hmaika ah palik nih mino pawl duhlo langhternak tuah lo ding in an rak thloh hna lio ah mino hruaitu pawl hman a thla lentu kha a si. Credit:The Chin Journal

May be an image of one or more people and people sitting

Uar Aum Tukmi Thawngpang: Min Aung Hlaing nih rian ttha taktak a pekmi cu Laipa Pu Khuah Thio nih ka cohlang lo tiah fiang ko in Min Aung Hlaing le aralkap cozah pawl cu a khirh diam hna. Pu Khuah Thio cu Kawlralkap ralhrang cozah nih Chinram Upadi bawi zik lutlai si dingah rian an khinh or an pek. Asinain Pu Khuah Thio nih a cohlang hna lo tiah theih a si.

Kawlralkap nih an rian ttuan dingah rian an khinh mi chungah minung tampi nih an el cang hna. Asinain Dr. Ngun Cung Lian le Pu Ngun San Aung nih cun an cohlan. Pu Ngun San Aung nih arak chimmi cu ralkap caah cun rian ka ttuan ttung lai lo. Laimi or Chinmi caah pei rian ka ttuan ko lai cu tiah arak ti. Asinain tutiang ah zeidah attuan mi asi timi theih asi lo. Tutan ah Pu Khuah Thio nih cun riansang ngai asiko nain a cohlang lo.

Chin ramkulh ralkap (SAC) nih ramkulh upadi bawizik rian ttuan ding in Pu Khuah Thio an pek nain Pu Khuah Thio nih a cohlang lo, tiah kan theih.Pu Khuah Thio cu Kalay ah a ummi a si i 2015 ah USDP in Kalay ah a rak i cuh naia sung. March thlathawh ahkhan Chinram upadi bawizik rianttuan ding in ca an rak pek i “Ka ngandamnak nih a tlinh lo caah ka ttuan kho lai lo,” tiah a al hna. Credit: The Chin Journal.

Be the first to comment

Leave a Reply

Your email address will not be published.


*