Hakha Mino Nih Ralkap Nih Mingiatu (Spy) Ah An Thlah Mi Hna Minung 4 An Tlaih Hna.

Breaking News: Ralkap  Nih thlah Mingiathlaitu A Si Lai Tiah Ruahmi Minung 4 Hakha Mino Nih An Tlaih.

Ralkap nih mizapi sin ah thlah mi mingiathlaitu a si lai tiah ruahmi minung pali hna cu Hakha mino nih 2021 March 8 ah an tlaih hna. An tlaih mi hna hi Lai holh in a holh mi pahnih le laiholh pah kawl holh pah in a holhmi pahnih an si.

An tlaihmi hna kong he pehtlai in, “An pali ning in bia an chimmi pakhat hmanh aa khat lo. Lung le hri pawl zong an i ken. Cun, ca kan benh mi pawl zong an hawh. Lunghrinh deuh an si ca ah kan tlaih hna. A hrenhren si loin kan thlah than hna lai. Ameh belte chinchiahnak ca ah tiin an pali ning in an mittlang hmul kan ziahpiak dih hna,” tiah a chim. Hakha ah misual le thilfir hmang Mino nih an tlaih mi hna hi a hrenhren loin chinchiahnak an tuah dih hnu an thlah than hna.

Thantlang Ralbawi Pakhat CDM ah a tuah: Hakha Pengkomh, Thantlang khuapi ralkap sakhan i rian a tuanmi ralbawi Bo Htet Nay Bala cu 2021 March 7 in Civil Disobedience Movement (CDM) a tuah. Atu cu India ram a phan cang tiah kan theih.

Crd: The Hakha Post