Hakha Inn Kangh Nak Ah Minung Pakhat A Thi Tiah Theih A Di

Tuzaan suimilaam 11:00 hrawngah Hakha khuathar Pu Kio Ling inn a kang i a pawngkam in pathum zong a kangh chih tiang theih a si. Hakha meithat zung nih an phalh leng ko nain, an phalh kho loin a kangh ziam dih tiaih theih a si fawn. Zeiruang ahdah a kangh ti kan thei kho rih lo.

Cu inn kanghnak ruangah minung pakhat a nunnak a liam tiah theih a si. A nunnak a liammi hi a ho set dah a si ti langhter a si rih loh. Fiang deuh in a hnuah thawngthanh khawh kan rak izuam lai. Tantaakmi chungkhar Bawipa nih hnem hram ko hna seh. Hi kong he pehtlai in The Hakh Times nih a tanglei bantukin a taar.

Breaking News: Hakha Khuathar ah inn a kaang i minung pakhat a thi. 2021 January 9 zaan suimilaam 11:00 hrawng ah Hakha Khuathar ah inn a kaang i minung pakhat a kaanghchih. Inn a kaang mi hi a dihlak ah inn 3 a si i a kaangh dih. Inn kaangh aa thoknak ah a um mi pakhat cu mei mih a kaanghchih tiah Hakha GAD nih a langhter. Fiangfai deuh in tial khawh kan vun i zuam lai. The Hakha Times

Thawngpang dang rekchap:

Twitter le Facebook nih an phih hnu ah, Donald Trump nihcun “keimah nih zapi hman khawhmi social media platform ka ser ve lai” a ti ko cang hih.

Aa tinhning bang a hlawhtlin khawh ahcun, a tonmi buainak cu miaknak nganpi ah a ser khawh, tinak a si te lai.

Nihin i mi liangan le min thang kan timi hna khi tam deuh cu, an tonmi harnak kha miaknak lam ah a ser khotu an si hna.

Minung cu harnak le buainak tong lomi kan um lo. Kanmah palh ruang ah maw, kan kiangkap, kan ram le kan vawleipi nih a chuahpimi thil ruang ah maw, buainak le harnak cu ton dih cio a si ko; kan i khat dih!

Sihmanhsehlaw kan i dannak cu kan tonmi harnak le buainak chung in zeitindah kan chuahpi timi tu khi a si.

A.D. 2016 kum ah India ram cozah pi nih phaisa a thah i ram chung mi vialte nih buainak le harnak cu kan ton cio dih cikcek. Cu harnak ruang ahcun, micheu cu leiba an ngeih thai lio ah, micheu nihcun an rak rumnak ve.

Micheu nih zeitindah bank ah phaisa kan rawn khawh lai i kan himter khawh lai, ti lawng an rak tuak lio ah micheu nihcun, bank ah phaisa an cawi {loan} i phaisa chawkvak kho loin a um caan le phaisa cawi hau loin na bank ah ka phaisa rak ka fim piak ve ko sawh, a timi hna phaisa vialte nokleknak khan inn le lo an i cawk i an rumnak huar ko.

Zeitindah kan tonmi harnak le buainak vialte hi kan caah miaknak lam sialtu ah kan ser khawh lai, timi hi midang cungcuang sinak lampi cu a rak si bik.

Be the first to comment

Leave a Reply

Your email address will not be published.


*