HAKHA I KAHNAK KONG THAWNGFIANG PATHUM AN NUNNAK A LIAM

Nizaan, zaantim Hakha raldohnak ah Uico Ralkap lei in minung pathum an thi tiah Khit Thit Media nih a fehter. September 4, 2021 zaan suimilam 11:30PM hnu hrawng ah mizei ti theih lomi hriamtlai phu nih Myanma Economic Bank pawng ah kahnak a chuak i cu ahcun Ralkap lei pathum an thih hi asi.Nizaan suimilam 11:30PM hrawntg in Hakha Cozah zung pawl cu an hun kah, a langpar in rak kah dawh a si ko.

Nizaan hmunthum hrawng in kahnak au m hi asi. I kahnak taktak hi cu suimilam a cheu hmanh a rau lo, cu ahcun ralkap pathum an ril colh i an thi ko. A si nain cu kahnak a chuah hnu ah pehtlai thluahmah in ralkap lei nih meithal le bomb an puah cuahmah” tiah Hakha khuami pakhat nih Khit Thit Media sin ah a chim hi a si.

Nizaan Hakha kahnak kong he pehtlai in kan mah Chin ram rungventu phu lei nih zeihmanh an langhter mi a um rih lo. Cun nizaan kahnak a tuah tu hna hi mizei phu dah an si timi zong langhter mi a um lo bantuk in theih khawh a si rih lo. Nizaan Hakha mipi cu khuaci mui in an um, a si nain mipi lei an him dih i ralkap lei minung pathum tu an thih hi asi.

BreakingNews : Hakha khuasung ah nasa zetin an kapaw | Falam Online Media

Cabia Dang:ASEAN Palai Nih Suu Kyi Tonnak A Hal. UN Assembly Ah Myanmar Palai Kong An Ceih Cang Lai. September 3,2021 ah khan ASEAN Palai Envoy Erywan Yusof le Malaysia Foreign Minister Saif Uddin an i hmuhnak ah tulio Myanmar Politics kongkua an i ceih i Mr. Yusof nih cun Min Aung Hliang sinah Inn thong an khumhmi NLD Party Chairman Pi Aungsan Suukyi he tonnak le bia ruahnak nei khawh dingin nawlnak a tuah cuah mah liopi asi ti’ah Malaysia FM Mr. Saifuddin nih Online News Conference ah a chim. Saifuddin le The Asian Times nih cun, ASEAN Palai nih October thla dawngh i ASEAN leaders Meeting hlanah Myanmar ram kal dingin SAC/ Caretaker Foreign Minister Wanna MaungLwin sinah Entry Visa a hal liopi asi i, September thla dongh silo’ah October thla thawkah kal khawh a zumh ti’ah an chim.

Cun Mr. Erywan Yusof nih cun ASEAN 5 Points Consensus i Chapter-5 nak bantukin Political Party lian bik NLD Leader Pi Aungsan Suukyi he tonnak nan ka pek hrim hrim a hau tiah a hal tiin Asian Times nih a tial. Amah belte NLD/NUG he cun ton khawhnak pek dawh an si lo nain, ASEAN ram Thailand ram hmunkhat khat ah i hmuhkhawhnak an nei te men lai tiah an chim.(Source;Balaa Krishnan Singapore Foreign Minister) August 21-27, 28 zongah khan China Special Envoy to ASEAN Affiars Mr. Sun Guoxiang cu President nih Myanmar ramah a kalter i, Wanna MaungLwin he an i tonnak ah ASEAN Palai le Pi. Suukyi tonnak siampiak dingin a nawl.

Cun, General Yapih (Chairman of Peace Committee) he biaruahnak zongah Ethnics Armed Groups le Political Groups pawl tonnak ding kongkua an i ceih i, 28/8/21 ah MinAungHliang he bia -ruahnak zongah NLD dang pawl an hmu duh lo hmanhah NLD Leader Suukyi tel cu ASEAN Palai he tonnak pek dingin arak nawr cang hna ti’ah theih asi.( Xinghua). Avawi 76 nak UN Assembly cu hmaizarh 14th September 2021 ah New York,USA ah an nei cang lai. Tutan Assembly ah hin tulio Vawlei cung nih an buaipi bikmi Myanmar le Afghan kong UN Permanent Palai Seat kongah biatak te’in ceihhmai ding asi.

Atu i Myanmar Palai U. Kyaw Moe Thun hi 14 September 2016 in UN Permanent Palai rian a thawk i 13/9/21 ah a rian a dih cang lai. Kum 5 danah thimthannak neih tawn asi ca ah tutan hi NUG Cozah lei nih U.Kyaw Moe Thun cu thimthan dingin UNO ah halnak an tuah i, Ralkap lei Myanmar Caretaker Cozah, Foreign Minister Wanna MaungLwin lei nih New York um Myanmar Military Attaches Colonel Aung Thuring cu UN Palai dingin a min an pek ve. UN Assembly a Nikhat nakah UN Credential Committee Members-9 umnak an din than lai i, cu hna nih cun Rampi aiawh tu Palai min pawl lakin Rampi aiawh tu tak tak ding an thim hna lai.

Hi Credential Committee ah UN Security Council i 5- Permanent Veto power a nei mi Ram mi 5-USA, Russia, UK, China le France Ram cu a telcia an si i, a dang Ram-4 hna cu Asia, Africa, Latin America le Arab Contingent chung in thim ding an si. UN Credential Committee nih hin 4-Points Agendas chungin an thim bik tawn hna. 1.Rampi chungah hmun tambik a nei/uk kho mi an si maw? Pahnihnak. Ram Mipi 2/3 (hmunthum%hmunhnih) nih an duh maw? 3.UN Phunghram(Chapters)a zulmi an si maw? 4. Mihrin Covo (Human Rights)a zulmi/buarmi an si maw? Hi a cunglei Points-4 chungin an kherhlai hna hnu’ah an thim hna lai i UN Assembly a dongh biknak Ni ah thawng an thanh te lai. Tutan ah hin, a ho deuh dah an thim lai ti cu chimchung khawh asi lo na’in Aung Moe Thun ca’ah cun a khing a der deuh rihin alang. Cu asi lo’ah cun, a ho hmanh thim ve ve lo’in Postpone Or hnu deuh tuaktaan tha’n dingah chiah khawhmi asi fawn.(Pathiannih daihnak in pe cio hnaseh, Credit: MC Bik Lian

Be the first to comment

Leave a Reply

Your email address will not be published.


*