HAKHA CHIN OO SII MINO BUU HI CU UAR AN UM KHO TUK EE

Dawtmi u le nau, nu le pa vialte hna caan chia lak ah kan si ii nan dam maw ti hal zong lungsia arem lo ngai, cu lak ah kan nu le pa kan unau cheu khat zong mual an kan liam tak mi an um len. Mino nih ngaihchiat nak hrawmhpi i tthut pi le bultawl ding zong asi nain caan chia lak ah kan si caah mino kan cawlcaang kho lo, kan lung aa nuam lo ngai.

Rampi buaibai lio asi caah hopaoh theih thiam tu i zuam cio hna usih. Ngaihchiatnak atong mi vialte Bawipa nih in hnem dih ko hna seh tiin mino nih hi kaa page ah hin kan rak langhter, Bawipa hnemhnak nan chungkhar cio cungah tlung ko seh. Atu lio cu rian zong ahar i, zingzan ei din zong afawi lo ngai. Ttuan chom, ei chom kan ca hrim ah cun ahar khun lai, cu hna kan ruah tik ah kan lung attha lo tuk.

Cucaah mino nih zei tin dah harnak kan ton mi tete kan i bawmh chanh khawh lai ti kan ruah tik ah sangchung nu le pa siseh ramkip hmunkip ah aum mi sinah an mah le an sian tawk cio te bawmh i hal seh law, aharsa deuh mi sinah bawmh chanhnak i tuah seh kan ti caah kan page a follow tu le kan ca ttial arak hmumi vialte hna nih kan mah nak aharsa deuh mi sin ah bawmh na duh le hlut na duh asi ah cun kan mah Chin Oo Sii Mino Bu sinah pehtlaih nak kan tuah in bawmhchanh khawh kan si.

Na thlakhat ei ding mi chungin voikhat ei ti bantuk, tangkaa, fangcang, chitii, cite ti bantuk tete kha bawmhchanh khawh a si. Abik in kan mah Chin Oo Sii sang i khua asa mi nu le pa bochan deuh mi sinah hmaizarh chungah mino nih rat in mah le ti khawh tawk cio bawmh hal ah kan rakrat lai caah ttih lo tein le lunglawm tein na minung hawi aharsa deuh mi sinah bawmhnak na rak pek nak lai Bawi khrih min in kan in sawm.

Kan biak Pathian nih akan fial bangin khat le khat dawtnak le zawnruah nak he bawmh chanh khawh i zuam cio hna usih. Zauk phung kan duh bangin khat le khat dawtnak lungthin he tlukruang tein har ah har khat, nuamh ah nuamh khat tiin kan ram buaibai nak le zawtnak fahnak vialte hi tei khawh i zuam cio hna usih. Bawipa nih nan zaate cungah bawmh duhnak thlachuah in pe cio hna seh.

Pehtlaihnak; Pakhatnak.Daniel 09764671527, Pahnihnak. San Lin phone 09259932079, Pathumnak .Thangku phone 09753725397, Palinak. Bawisang phone 09426421373, Panganak.Vanbawi phone 09422092307, Paruknak. Hniangmi phone 09421452093, Pasarihnak .Bawisin phone 09268494613.

Acung lei kan langhter mi ah hin bawmhnak pek duh ah siseh bawmh aduh mi an um ah cun pehtlaih khawh asi. Sang chung ummi mino nih siseh nu le pa zong nih kan inn pa hna zei an lawh ti zoh pah in bawmh an hauh le bawmhnak pek aduh ah cun nan kan pehtlaih nak lai kan in sawm hna. Kan ti khawh tawk cio kan thilrit i chawng cio hna usih. Credit: Chin Oo Sii Mino Bu

Be the first to comment

Leave a Reply

Your email address will not be published.


*