HAKHA CDF NIH THANHNAK AN TUAH CANG, SHARE CIO HNA USIH

A Bao Tukmi Ui Kong Thawngthanhnak. Zan dai, mi chokvai um lo hnuah na ui a bao tuk ahcun ralhrang pawl nih Rungtlang in nan inn leiah bomb an rak kah khawh. Annih cu an minung um kalnak an i theih dih caah CDF minung aa chokmi an baoh hna, tiah an ruah lai. Cu lawng asi lo, na ui a bao ruangah innpa chakthlang an lau dih i lungzawtnak ngei pawl caah tih anung fawn.

Cun ralhrang pawl cu, nan theih cia bang, mipi umnak zawn i bomb thlak le meithal kah poi an ti lo. Sualnak ngeilo mipi nunnak zong tamtuk an thah cang. Hakha khuachung zongah ruahdamh in bomb voi zeizat dah an thlak cang. Na Uico a bao ruangah nan innpa le sang caah tih a nung. Ralhrang he kan i doh lio a si. Cucaah na uico na dawt ahcun muika in inn chungah erh zokzok.

Cun zan dai ah nan pawngkam ah uico a baomi cu innpa chakthlang nih nan daihter khawh lo ahcun a thah zongin thah cio a hau. Cu a bao lengmang mi uico cu mipi a rungvengtu CDF minung hna ca zongah ttihnung tuk mi a si. Na hrinmi na fanu, na fapa le hna him tein lutchuak hna seh, ti na duh ko ahcun na zuatmi uico cu bao lo dingin lam khatkhat in na fim hrimhrim a herh. Na fim khawh lo ahcun fimpi na herh tinak a si. Credit: Chinland Defense Force Hakha.

May be an image of text

Abiapi Taktak Salai Cung Dawt nih a ttialmi. Delhi lei panh a rak tim mi nih Ralrin deuh a herh men lai. Nihin zing ah kan mah lei minung Delhi ah rat a timi minung 26 Guwahati ah tlaih an tong. Nanmah lei mi an si tiah an ka chonh i an rak si taktak ko. A mah belte an min, Laitlang lei an khua dihlak in theih khawh a si rih lo. Hmuhton le chonh an ngah rih lo. Keimah zong an tlaih hna timi hnu lawng ah ka theih caah an sining a dikthlir in ka hlat kho ti lo.

Chanchuah khawhnak ding ah hmunkip hlathlai le bawmh hal a si nain tlamtling lo. Guwahati ah a um mi ka Unu a dam lo ngai mi, Sizung ihkhun cung ah a it ko mi tu, bawmhhal le hnahnawh nak ka va pek tthan i ka buaipi ko ka ti. A mah nih an umnak a hlat khawh (Police Station an chiah nak hna) a si nain hmuh le chonhbiak a ngah rih lo.

Thaizing zing ah rak ra te an ti i a dam lo bu in Police Sakhan ah thaizing ah a va fuh te hna lai i, zeitin dah tawlrel ning, zeiruang bik ahdah tlaih a si timi zong a fiang te men lai dah. Nain fawi tein chuah khawh lo zong an si kho deuh men. Ka chim duh mi cu “Delhi lei rat a tim mi nih, Guwahati ,Asam ram lei in a ra mi nih kan tlunnak Hotel hi zeibantuk Hotel dah a si, lampi a him maw?

Zeibantuk catlap he dah kal ah a him deuh lai ti bantuk zong felfai tein hlathlainak ngeih a tha lai dah. Atu tiang cu an caah tuah khawhmi le chanchuah khawhnak pakhat hmanh ka tuah khawh mi a um rih lo. Hi minung(26) caah tuah ttuan khawh mi le chanchuah khawhnak lam hna ka ngeih khawh ve sual pang ahcun update tu tuah kaa zuam than te lai. Delhi lei panh a timi caah ralrin a herh rua timi siaherhnak he ka tarlangh. Siaherhnak he, By Salai Cung Dawt.

Be the first to comment

Leave a Reply

Your email address will not be published.


*