Hakha Ah Mifir Pahnih An Tlaih Hna

Maw laimi a zoh kan chia taktak nihin ni tiang mifir le mithalo kan um ko peng rih hi cu a poi kho tuk tawn. Hakha khuathar ah ar tampi a firtu mifir pahnih cu nihin zanlei ah khuami nih an tliah hna i palik kut ah an ap hna, tiah thawng kan theih. Nizan zaantim sml. 12:30 ah Khuathar ah a ummi pastor pa ar pahnih an fir i, tlaih ding in khuami nih an hlat hna hnu ah atu bantuk hin an tlaih khawh hna hi a si.

Nihin zanlei ah khan an firmi ar an zuarnak hmun ah an vung hmuh hna i tlaih manh loin an zaam kho. Asinain, zaan sml. 7:45 hrawng ah Hakha Golf Club ah an hmuh tthan hna i cuka ah cun an tlaih khawh hna. Mifir pahnih hna cu Pu Ceu Dum (kum 42) le Pa Thawng Peng (kum 24) an si. Hakha Golf Club ah an tlaih hna lio ah Pu Ceu Dum cu Golf Club ah a ummi tibual chung ah a zuang.

Asinain, an tlaih khawh thotho.Pastor pa ar pahnih an firmi cu an rak zuar diam cang. Asinain, midang ar an fir i an zuar khawh rih lomi ar pakhat an rak i ken rih. Hi mifir pahnih hi an fir tuk ruang ah ahlan an rak umnak khua (khua min kan langhter hramhram lo) zong in an rak tthawlmi hna an si, tiah mifir a tlaitu Khuathar upa pakhat sin in thawng kan theih.

Lai mi chung in mi bantuk thil dawh cah lo a um hi cu a poi ngai ngai tutan thil cang le bang hi cu a zoh chiat pin ah ningxak ngai zong kan si a ruang cu a zei dang thil si loin in ar hna kan i fir piak hi cu kan ruah nak a fa deuh ruang hna ah si hnga ma  tiah khua tam pi ruah ding um  apoi ngai hi bantuk hi cu hrial bak ding le mipi theih in zamh ding si ko hmai lei lungfim nak ah.

Crd:

Be the first to comment

Leave a Reply

Your email address will not be published.


*