HAKHA AH MEITHAL THAWNG A THANG, KHUAMI PAKHAT AN HLIAMH

Breaking News: Hakha ah Meithal Thawng a Thang, Khuami Pakhat an Hliamh. Nihin (September 7) zaan suimilam 9:00 hnu ah Hakha khuachung ah meithal kah thawngpang pawl a thang len. Atu tiang ah innchung ah a ummi khuami pakhat meithal kuan nih a hliamh, tiah thawng kan theih.The Chin Journal

BreakingNews : Hakha khuasung ah nasa zetin an kapaw | Falam Online Media

Thawngpang dang: CNDF nih Falam Bank Manager Meithal Kuan he Ralrin Peknak Ca an Kuat. Falam khua i Myanmar Economic Bank ah rian a ttuanmi Manager U Tun Myah Aye cu CNDF nih nihin ah meithal kuan khat he ralrin peknak ca an kuat. Atulio hi tluk kan ram har caan ah bank ah tangka a rak chuahmi Falam khuami pawl sin in amiak a hleihluat in na lak zungzalmi hi na ngol hrimhrim lai,” tiah ralrin peknak ah an ttial. Bank tangka chuahtu mipi sin in amiak na lakmi na ngol lo ahcun na nunhimnak ttuanvo kan la lo,” tiah an ttial chih.

Mah zong hi Thawngpang dang: Lai Lungrawn ti mi hlaphuahtu Pu Phun Lian Cung nih CYONA 2021 Hlaphuah Thiambik laksawng a hmuh. September 7, Lai Mino lak ah hla-bia le hla-aw in a rum mi hlaphuah thiambik pakhat kan ngeih mi, “Lai Lungrawn…” ti mi hlaphuahtu Pu Phun Lian Cung nih CYONA 2021 Composer Award a co tiah kan theih. Mizapi nih kan hngalh khawh nakhnga, “Lai Lungrawn…(Asatu Hlawn Sung), Lung a leng e…Christmas caan hung chuah cun….(hlasatu Sui Hlawn Rem), Chin Ram Caah Chinmi…(Asatu Mercy Haling Awi), Pathian Dawtmi, Tangka tibantuk le a bik in Van Hmun Lian (tleicia) nih a sak mi hla pawl in mizapi nih hun hngalh khun mi a si. Kaa lawm tuk.

CYONA cung hrimhrim ah kaa lawm. Hlaphuahthiam tampi lak ah keimah theng an vun ka thim. Kan hla kha a aw he, a bia he tawlreltu (Judge) sin ah a phan i Laimi Kan Iang A Cuang Khun, ti mi hla in atu Award an ka pek mi hi a si.Pathian nih an riantuannak ah thluachuah za he lamhruai chin ko hna seh, kaa lawm tuk,” tiah The Hakha Times ah a chim. Amah hi minote a si rih nain hla fung 1000 renglo (adikfel in a ka chim kholo) a tialtu a si i Lai mino hlaphuahtu lak ah hla-bia in siseh, hla-aw in siseh a rum taktak mi hlaphuahthiam kan ngeih mi pakhat a si.

Tutan CYONA nih Composer Award an pek mi hi “Laimi Kan Iang A Cuang Khun,” ti mi hla in laksawng an pek mi a si, tiah kan theih. Pu Phun Lian Cung cu hlaphuahthiam a sinak kong he pehtlai in Khrihfabu nih siseh, Zaatlangbu nih siseh, upat peknak roca, conglawmhnak le vohthau thahpiaknak tibantuk tiang in an rak conglawmh bal mi a si. Atu hi Hakha Immanuel Baptist Church ah caantling in rian a tuanlio mi a si. Credit: The Hakha Times.

Be the first to comment

Leave a Reply

Your email address will not be published.


*