HAKHA AH MAH THAWNGPANG KA THEIH CU KA LAU NGAI TE…

Hakha chuaktak caan si rih lo. Hakha ah ni 49 chung ralkap uk duh lonak kan langhter cang. Ni 49 chung ah tlaihkhih a tongmi minung 50 fai kan si. Pathian a tha thisen luan le nunnak liam tiang cu kan tong hraw lo (Pathian kan veeng hram rih ko sawh). Tihphan, thlalau in mizapi kan um dih cio (kan mawh hrim lo).Tihphan ruang ah Hakha chuah takin hmundang ah a zaam mi an um pah cang ti thawng ka theih.

Ka lau ngai te…a caan a si rih lo cu teh. Ziah kan zaam lai lo ti phu zong a si ko.Asinain, atu hi tlik le zaam le Hakha chuahtak caan a si rih lo. Nangmah le keimah nih kan Hakha kan ven lo a si cun, ho nihdah a veen ti lai? Nuhmei le kutkiak, ke kiak lawng nih an veeng kho lai lo cu teh aw…! Kan dihlak lungkhat, thinkhat tein kan dirhkamh leh ko lo ah… si ko maw?

Doh ding in February 7 ah a hram kan thok cang khah. A dihdongh tiang nu nu pa pa in kan doh a hau. Chuah tak a zat tik ah, chuah tak ding mi kan chuah takter hna lai.Meithal tlaih a herh cun kan i tlaih cio hna lai tah…! Kan ram, kan hmun, kan vawlei nangmah le keimah nih kan ven a hau. Kan dohmi hi kan tei hrimhrim lai.

Kan tei tik ah kir loin na um lai lo. Na rak kir lai i na innpa chakthlang nih thlanti luang in kan doh mi fawi tein a theipar na tep ngam lai maw? Hakha hi chuahtak hram hna hlah usih. A caan a si rih lo. Zatial tlaih in hmai kan nor chin lai. Kan tei hrimhrim lai.CDM le Warrant pawl cu ka telh hna lo mu. An nih cu an dirhmun nih Hakha um ding a pek ti hna lo ca ah a si.Salai Nun Hlawnceu

Ohmmar khine's tweet - "In Hakha People's Hospital, doctors & nurses from  the staff quarters were told to leave the staff quarters immediately if  they joined the CDM. All hospital staff have

Thawngpang Dang: A rannak in na hawi le sin ah share: Hakha khua mi cawlcanghnak vialte Ralkap le Police sin ah thawngpang a va pe lengmang tu pahnih, phundang in chim ahcun Ralkap Spy a ttuan mi an si. Pakhat deuh i Mih Nge a si i pakhat deuh hi Sung Hlei a si. Ralhrang ralkap nih mipi cawlcanghnak an rak theih lengmang nak cu mah ruangah bak ah hin a si ko.Tutan ralhrang le palek sin ah thawngpang a pe lengmang chungah Mih Nge timi nu hi Hakha Pyine Htwe-oh zung ah a ttuan mi asi tiah an chim,

Culawng siloin ralkap uknak lakmi dohnak caah tiah CDM zong ah aa tel duh lomi asi. Nihin tiang Hakha mipi cawlcanghnak vialte cu Ralkap le Police sin ah a pek lengmang ti asi.Cun pakhat deuh hi Hakha BESH No(3) ah Sayamah a ttuan mi asi. A mah zong hi nihin tiang CDM ah aa tel duh lomi a si. A min cu Sung Hlei a si.CDM ah aa tel duh lo lawng si loin Hakha mipi cawlcanghnak,

Mino cawlcangh nak le CDM cawlcanghnak vialte Ralkap le Police sin ah thawngpang a pek peng tiah an langhter tthan rih.Mipi nih zeidah kan tuah lai, an pahnih in a tu kan tarlangh mi hi mikip sin ah share tuah uh, social punishment rak tuah cio hna uh. Nan dawr thil zong cawk ter hna hlah uh. Chin miphun Ralhrang sin ah an kan zuar tu an si tiah mikip sin ah an hmanthlak he rak langhter cio uh.

Be the first to comment

Leave a Reply

Your email address will not be published.


*