HAKHA AH COZAH RIANTUANTU PAKHAT KONG CU AMAK KO. KHUARUAHHAR LEI ASI

Zapi aw: Hakha khua, Kuat Phurh le Pehtlaihnak Zung (ပို့ဆောင်ဆက်သွယ်ရေး) zung riantuan mi kan chungkhat pakhat cu, hitluk rammi zapi nih kan duh lo mi Ralkap uknak doh in CDM kan dirpi lio ah nifatin CDM tuah lo in nihin tiang zung a kai peng. Chungkhat le ramleng um chungkhat vialte tiang zong nih “CDM na tuah lo zong ah zung cu kai hlah”, kan ti ko nain, a duh lo.

Amah nih a duh lo pin ah a fale CDM ah a tang i sang mino zong ah bochan mi hna kha CDM ah i tel lo ding in a thloh hna. An zung ah hin amah lawng si lo in an zapi in CDM an tuah lo. Nifatin uniform lo in, a thli in zung an kai peng. Hihi anmah nawl cu a si ko nain kan duhpiak hna lo, kan ram ca ah CDM tuah ve hna seh ti kan duhpiak hna.

A ngaingai ti ahcun kan u, kan nau a si ko nain, hi tluk in a chia mi Ralkap uknak rammi nih kan doh lio ah a rak dirkamh mi cu kan duhpiak lo ti kha zapi theih in kan van langhter. Amah pumpak kan hua in kan do lo. Cun a thang kan chiat zong a si lo.

Hakha mipi ralkap uk nak kan duh lo ti in lam zawh nak February 23 . -  YouTube

Ram ca ah hawi sin ah a dir khawh ve nakding kan duhpiak bia a si. ပို့ဆောင်ဆက်သွယ်ရေးရုံး ah CDM a tuah lo mi pakhat i a chungkhat, (Biakilh: The Hakha Times Zapi aw hi, Democracy le media right ning in rammi zapi nih zalong tein chimphuannak nawl ngeih mi kha media in zapi sin ah chimphuan mi a si.). Laknak: The Hakha Times.

Uar Aum Tuk:Mindat nih Chin Phungphai in kan i Hruai Lai tiah a Raltha Ngaimi Cathanh Chuah. February 25 ah Mindat nih Chin ramkulh chung ah ahohmanh nih an tuah rih lomi le a ralttha ngaimi cathanh pakhat a chuah–Mindat peng chung ah Chin phungphai in kan i hruai lai, tiah an langhter. February 1, 2021 i ralkap uknak chuh duh lo ruang ah dai tein lamzawhnak a tuahmi mipi humhimnak ca ah Mindat peng mipi (sermi) uknak bu nih runvennak ttuanvo kan lak cuahmah, tiah an langhter.

No photo description available.

Mindat peng chung Uknak, Upadi sernak le Biaceihnak phungphai pawl hrawh an si cang caah Chin Acts/Chin phungphai in biaceihnak/biachahnak kan tuah cang lai. Cuccaah, dai tein lam a zawhmi hna cung ah le mipi cung ah namnehnak, tlerhkhawnnak, tlaihkhihnak le thihlohnak tiang a um a si ahcun ttuanvo a ngeitu zung/palik le ralkap/pumpak hna cu Chin phungphai in baiceihnak tuah nan si lai, tiah an ttial. Credit: TCJ

 

Be the first to comment

Leave a Reply

Your email address will not be published.


*