GOSPEL SINGER VAN NEI MAN NIH NGEIHTHIAM HALNAK ATUAH CANG

Chin miphun chung in gospel singer kan ingeihmi awtha hlasakthiam le pumrua tha muidawh Van Nei Man (Mante) nih nizan ahkhan Pathian nung nei lo pawl bangin lam zawh caan a si nawn lo. Ral dohtu Bawipa thangthat le Amah rinsang hi kan himnak a si” tiah a facebook wall ah a tarlangh. Hlasakthiam Mante nih cu ti ca a tialmi cu Laipa Lite timi fb hmangtu nih atanglei bantuk a lungtlinpilonak a langhter.

No description available.

KHRIFA, BUDDHISTS, ZUMH LO TU E TI CAAN SI LO E. Ka dawt Van Nei Man, na caa tial mi cu Chin miphun tampi kan lungtha na der ter ko e, kan arfi pakhat na si tikah mah bantuk lungput na ngei cu ka thinglung na khen tuk e. Kan minung si nak nih celh ti lo mi ral kan doh e. Atu caan cu khrifa, Buddhists, zumh tu le zumh lo tu tiah then ding si lo e. Zumh tu le zumh lo tu zong hmunkhat ah thazang kan chuah caan si e.

CDM le mipi sandah an piah mi hi sual nak an tuah lo e, miphun kan dawt cah le dinhnak kan duh caah kawl ralkap misual pawl kan doh hna e. Buddhist pawl nih na caa tial hmu hna sehlaw an lungfah tuk lai ning hi mu… Zumh tu le zumh lo tu rawl kan ei tti bantuk in kan ral cu kan doh tti caan si e. Isreal pawl nih Jericho wall kha an kul i an aukhuang bantuk in kanmah zong kan aukhuang caan si e teihnak le luatnak hmuhnak dingah.

Pathian nih kan aukhuang nak le harhnak hmu tik cun pei a kan bawm lai cu, tiah Laipa Lite facebook account hmangtu nih a langhter hi a si. Laipa Lite nih awtha Mante tialmi a langhternak tangah minung tampi nih awtha Mante soiselnak comment an tial ve. Chinmi nih soisel media lei in kan bochanmi Sui Chin zong nih a tanglei bantukin sau nawn in a hmuh ning a langhter ve.

No description available.

Atialmi cu; Thlacam lawng a herh ahcun ziah GEDEON zong nih Thla a cam ko lo. Jerikoh vampang zong kha Ziah vui sa rih hel a herh. David nih Ziah Israel caah ral a doh peng. Thla zong cam, thangthat nak zong tuah. Bawipa caah contact point a um nak hnga nonviolent raldoh zong i thawh a herh. Thlacam le that that cu pakhatnak asi Amah belte Nangmah zong kha Ram le Miphun le Pathian Ram kauhnak caah contact point Na si kha philh hlah.

Jesuh hmanh nih vulei mi Satan kut in kan luat nak hnga a pumsa in ral doh a thawh. Pathian fapa hmanh nih pumsa in vulei sualnak ral cu non-violence in a doh ahcun tu Kawlram Ralkap non-violence in doh hi a hmanmi asi. Raldohnak hmun tu ah Anmah bantuk in puarhran loin Thlacam le an sualnak ngei thiam hal piak le Kawlram caah ngeih thiam hal ding le Bawipa cu mipi sinah teinak he ra ding in cam le thangthat tuah tu a tha deuh hnga lo maw, tiah a tial hi asi.

Hi kong he pehtlaih in awtha hlasakthiam Van Nei Man facebook chung kan hlat than tikah ngaihthiam halnak le a duhnak fianternak a tuah than cang. Awtha Van Nei Man nih ngaithiam halnak a tialmi cu, “Duhdawtmi Chin mi Khrih hmin in in ngaihthiam uh. Lam kan zawh inn ah kan tum ve. Bawipa i canghvai hngak uh si ka ti duhnak sawn hk” tiah a tial hi asi. Hlasakthiam Van Nei Man nih hi ti a tialmi tang zongah minung za leng nih aphunphun in an hmuhning an langhter than ve. Source: Van Nei Man, Laipa Lite.

Be the first to comment

Leave a Reply

Your email address will not be published.


*