GOOD NEWS: THAW A HUNG CHUAK DEUH, CNF/A AN I TEL LO

NCA Minsen thu mi Tlangcung Hriamtlai phu nih Ralkap ton ding in ca an kuat hna.NCA minsen athu mi phu(10) lak ah CNF an i tel ve. A si nain hi tonnak cu CNF nih an duh lo, an hnatlak pi hna lo tiah Salai Bawi Lian Mang nih a pumpak cahmai ah a langhter. CNF nih cun Ralkap he ton le biaruah hrim a tim lo tinak a si. Lung a hmui deuh ngai.

Hi konghe pehtlaiin Salai Bawi Lian Mang nih a ttialmi cu Shame! ရှက် ဖွယ် လိ လိ ကမ်း လှမ်း ချက်။ CNF မ ပါ လို့ ေ တာ် ေ သး။ Khuaruah har ningzak bia hi ruahlo nak hmun in a rak chuak hoi. CNF nih hi ca hi a hna atlak pi hna lo caah tlawmpal thaw achuak deuh.Mipi he adir tti lo mi dothlennak zeitik hmanh ah an hlawh atling ballo. Mipi a kap a that mi ralkap zeitik hmanh ah an hmun ballo. Tiah Salai Bawi Lian Mang nih alanghter.

No photo description available.

Tutan ah thanhnak an tuahmi cu, PPST Nih Ralhrang Khawngsil He Biaruah An I Timhnak Biathli Aa Puang Ai. NCA ah hnatlaknak min a thumi tlangcung hriamtlaibu 10 hna nih dirhmi Peace Process Steering Team nih ralhrang khawngsil he biaruah an i timhnak biathli a puang tiah theih a si. Cu biathli cu PPST nih May 28 ah ralhrang khawngsil nih a sermi remdaihnak tuahtu bu hotu Bochohci Ya Pyih sinah an tialmi a si.

NCA kongkau ti a si. Ralhrang khawngsil remdaihnak tuahtu bu hotu aiawh in Bochohci Min Nawng nih minthut in May 19 ah a kan kuatmi ca kan hmuh, SAC nih NCA hnatlaknak kan cohlan lai nan ti caah kan i lawm, tiin bia an thok. An ca chungah cun atu lio a cang cuahmahmi ramchung buainak hi SAC ca zongah siseh, tlangcung hriamtlaibu hna caah siseh,

Ramkhel party le mip ca zongah siseh, aho ca hmanh ah hlawknak a um lonak le ramkhel boaruak a daih deuh poah ah a that chinchin nak kong an tial.Myanmar buainak ruangah ram cheukhat nih timhmi ngei tein an i thlakmi an duhlonak le an i thlakmi khamnak dingah cun kanmah he kutlaih in a tuan khotu ding rammi hna kha zulhphung le rikhiahmi chungin sawmnak tuah i tuanti kha a tha bikmi a si tiah PPST nih an ruahnak an tialchih fawn.

Cu ruangah SAC le PPST cu a rannak in i ton i biaruahnak ngeih ding le PPST nih cathanh chuah an i timhnak kong zong an ca chungah cun an tial.Hi ca hi mipi nih tuahmi Spring Revolution zeirello, hnuchit a si tiah min chim a duh lomi tlangcung hriamtlaibu hruaitu pakhat nih a chim. Hi ca hi zeibantuk bu le aho hruainak in tial a si ti an langhter lo i PPST ah aa telmi hriamtlaibu 10, an dihlak lungtlin in an tialmi maw a si ti zong theih a si rih lo. TCP, Salai Bawi Lian Mang

Be the first to comment

Leave a Reply

Your email address will not be published.


*