GOOD NEWS: PU THLA BIK NIH FIANG KO IN LEHNAK A TUAH

Pu Ngun San Aung Rian Khinhmi Pu Thla Bik nih Cohlang Lo. Chin ramkulh Administrative Council Chairman Pu Ngun San Aung nih Myanmar ralkap uknak tang ah rianttuan ve ding in Pu Thla Bik rian a khinhmi cu Pu Thla Bik nih a cohlang lo, tiah nihin ah kan theih.Pu Ngun San Aung nih rian a ka khinhmi hi ka thei bak lo. Ahlanken in theihternak zong zeihmanh a um lo.

Ka um lo kar ah ca an rak ka pek i zei hmanh ka thei lo, tiah Pu Thla Bik nih The Chin Journal ah a chim. Kan rammipi nih hi tluk hin an duh lo bu ah zeitindah ralkap kut tang ah cun rian kan ttuan hnga, tiah a chim chap.Mah an ka khinhmi rian hi ttuan ka tim lo. USDP chan zong ah khan mah rian hi an rak ka fial cang. Cun, NLD lio zong ah an ka fial bal cang.

Asinain, ka ra rak al hna. Mah lio hmanh ah ka ttuan khawh lomi cu zeitindah atu mah tluk in kan rammi nih an duh lomi ralkap kut tang ah cun rian cu ka ttuan hnga,” tiah a chim.Myanmar rampi uknak a ramh i, thla 2 fai chung ah rammi 700 leng ruru hranghrang in a thattu ralkap kut tang ah Hakha khua tthanchonak rian ttuan ding in Pu Ngun Sang Aung nih Hakha khua i bochanmi upa 6 cu committee chungtel ah rian a khinh hna nain ahohmanh nih cu rian cu an cohlang lo, tiah thawng kan theih. Credit:The Chin Journal

Chin State Administration Council Chairman ah Pu Ngun San Aung thim asi  cang – Chin Channel News

Relchih:ASEAN hruaitu meeting ah mithat lainawng ralhrang kawlralkap lutlai Min Aung Hlaing akal ahcun tleih bak ding tiah thanhnak a tuah cang. Hi konghe pehtlaiin R2P director a simi Simon Adams nih Min Aung Hlaing cu cei taktak in a tthuat cang. Atimi cu Kawlralkap ralhrang cawlcanghnak ah mawh a phurtu taktak cu Min Aung Hlaing hi a si tiah a chim.

Kawlram a chuahtak a si ahcun tleih bak ding asi. Aruang cu mipi a thattu lai nawng lutlai bik a si caah asi tiah Simon Adams nih alanghter. Kawlram chungah mipi covo hrawh in, ralkap nih mipi an thah cuahmah hna timi ah mawhphurtu taktak cu Min Aung Hlaing hi a si. Cu ruangah Min Aung Hlaing nih Kawlram a chuahtak a si ahcun vawlei cung phungning in tleih khawh bak asi.

Hi konghe pehtlaiin a peh rih mi cu ASEAN meeting ah ralhrang kawlralkap hna sawm loin National Unity Government timi cozah thar hi an sawm hna ding asi tiah a chim chap. Hi bia a chimnak a ruang bik cu aralai mi April 24 ASEAN meeting ah ralhrang kawlralkap lutlai Min Aung Hlaing sawmnak an tuah caah asi. Hi kongah ralhrang kawlralkap nih zeibia hmanh thanhnak an tuahmi a um rih lo tiah an langhter.

Tutan ah Ming Aung Hlaing fak ngaiin a tuahtu Simon Adams hi kawlram buainak kongah biatak tein rian a ttuan mi pasalttha a si. Amah nih a za tiah a ruahmi le a hmuhmi vialte hi raltha taktak in a chimmi a si. Min Aung Hlaing hi ASEAN meeting ah a kal taktak an zum lem lo. Aruang cu hrocernak in a khah caah minung tampi nih a kal an zum lo.

Be the first to comment

Leave a Reply

Your email address will not be published.


*