GOOD NEWS: HAKHA CDF CAAH TAMTUK AN KUAT, LAWMH A UM TUK HRINGHRAN

CDF-Hakha cu aho nih a dirkamh? CDF-Hakha cu ramchung lawng siloin vawlei khuaza ummi Hakha pengmi le Hakha peng chung khuasami poah nih thla khat ah $ 100.00 thawh in bawmh le dirkamh a si. Biaknak bu hna le a dangdang khua le pengtlang hna zong nih dirkamh a si (A min langhter awk a tha lo.)

CDF-Hakha dirkamhnak caah Hakha CDF Support Team of North America (CDFSTNA) cu tha tein committee dirh a si. Cu nih cun US le Canada ummi hna cu a si khawh chungin pehtlaihnak ngeih in rian a ṭuan. Cu committee tawlrelnak in August 2021 chungah $ 35,000.00 kuat a si. Lewisville, TX area ummi hawikom bu pakhat zong nih Kyats sing 40 renglo an kuat ve. Hi riantuannak ah chan khat chuak Lai pasal le nusal nih tel ve lo ding cu nan lungsia a rem lai lo caah thazaang chuah khawh cio i zuam hram u sih.

Cun August thla caah thazaang chuahtu (pumpak, chungkhar, khua, le pengtlang, khrihfabu hna) dihlak cungah CDFSTNA nih lawmhnak chimcawklo kan ngei. Like pek le share khawh cio i zuam hram hna u si.Pathian sermi tlukrualnak le dinnak a ṭanhmi poah nih hi rianṭuannak cu an dirkamh i Pathian nih a kan umpi lai i hi kan dothlennak zong kan tei hrimhrim lai tiah a zummi nih thazaang chuah a si. Credit: The Hakha Times.

Thawngpang dang: Zahanzan ah Aanmah khuabawi cu meithal kahnak in a nunnak a liam. Magwe, Myotit peng, Aanmah khua ah ralhrang kawlralkap nih khuabawi rian an khinh mi Aung Soe Min cu zahanzan suimilam paruk le minute sawmli ah meithal zun 15 in an kah thah tiah khuami nih an chim. Cycle in cheukhat an rak ra i, an kah. Khuami mino tampi cu an zam dih hna.

Hi thihnak ah khuami Mino hna hi pehtlaihnak pakhat hmanh an ngei lonain ralhrang nih aa kan tlaih sual lai tiah an zammi a si. Tutan ah an kahthah mi khuabawi Aung Soe Min hi ralhrang kawlralkap lei ah a dirmi asi i, khuami hna cu a hrocer lengmang hna. Culawng siloin ralhrang kawlralkap sin ah thawngpang a pek lengmang ruangah an thahmi asi. Aung Soe Min a thattu hi khuachung mipi kilvengtu an si.

Be the first to comment

Leave a Reply

Your email address will not be published.


*