GOOD NEWS HAKHA AH RILI FATE KAN NGEI VE CANG LAI

Halkha ah Rili fate kan ngei ve cang lai.Hi rili fate nih Chin ramkulh thanchonak a bawmtu Halkha khua kan nun a kan cawisangtu. Timit lei kuang vialte cinthlaknak ti a pe khotu, Hmailei minung sing 2 tiang Halkha dinti a pe kho tu, Fing le tlang a dawh tertu, Khua caan a ṭhat tertu, Nga tampi zuat khawhnak.

Sangphawlawng in tlawnlen khawhnak, Ti lio thiamnak, Electric hmuh khawhnak, Mi zapi tlawnlen ṭhatnak, Khual tlung mileng tampi rat duhnak, Pangpar dum le lente celhnak a phunphun sersiam khawhnak, Lung anuamh tercaah minung ngandam nak apeetu, Khua a dawh tertu, Hotel hmunhma ṭhatnak, Pawcawmnak rian tampi ṭuan khawhnak.

Lo ngei 16.59 acre caah paw cawm nun daan thlenn khawhnak, Golf lentecelhnak a dawh ter tu, University a dawh tertu, Fingtlang a hninghno tertu, Tangka lutchuak tampi a kan hmuh tertu, Minung tampi a karh tertu, Rilikam khua nih acomi nuamh nak Kan ngei ve lai, Chin ramkulh le Halkha min a than tertu asi te lai.

Pakhatnak. A min Nawi Dam (Nawi Tidil Nganpi ) 2. Rak zoh felnak le thawknak tuanbia. 2008- 2009 kum ah Pu Ni Kung (DC), Pu Mang Hram (tleicia) hna le Halkha kan pa le pawl hruainak in thiamsang Professor Dr. Khin Maung Chit le a hnu zul hna he an rak zoh. Zoh felnak design le official report zong an rak chuah dih. A sinain tangka (Budget) an rak hal khawh lo caah an saduhthah ning in an rak tuah kho lo.

Pathumnak, Atu Project a thawktu. Myanmar Vice President Pu Henry Van Ṭhio nih Nawi Dam hi Halkha ca le Chin ram kulh caah a herh tuk mi a si caah kan tuah hrimhrim lai a ti. Irrigation Department lei thiam sang a rak thlah hna i 23.12.2019 ni in thla 2 le a cheu chung Survey an rak tuah ṭhan. Cu survey team ah Design lei, Geologies lei, Landslide lei, Soil test lei le hydrology lei a thiammi nih fel te in an zoh.

Survey team an rian ṭuan chung Pu Zo Bawi, Pu Sony Thang Cung le Keimah (Pu Thla Hre), Pu Thla Kio Lyan, Pu Hram Ceu;Pu ChumLing le upa pawl he an herhmi paoh kan rak bawmh ve hna i kan rak zohkhenh ve hna.4. Designs an suaining (a hran). a) Dam a san (Height of Dam)- 125 ft. b) Dam a sau (Length of Dam)- 1200 ft. c) Dam chung a tlummi ti ( Capacity of T.L) – 5154 Acft. (Note: Laiva Dam khi 1800 acft a si).

d) Kumkhat chung ruahpi surmi – 72″ e) A lutmi ti (Kumkhat – 10064 Acft. f) A pawngkam a kauh C.A @ Dam site – 5.22 sq mile. g) Width of Spill way – 100 ft. h) Budget a dih dingmi – 8000 Million (Kyats). (2020-2021 kum ah 2000 Million Kyat in thawk a si lai, Kum 3 ah a dih lai). 5. Lo ngei caah ruahmi Lo 16.59 Acre a ngeitu lunghnemhnak tuah hrimhrim ding i timh a si. Ton biaruahnak voithum kan tuah cang.

9.7.2020 Ni ah voikhat nak tonnak tuah a si. 16.7.2020 Ni ah voihnih nak tuah a si. 17.7.2020 Ni ah voi thumnak kan tuah. (Note:Ton biaruah nak ah Longei kan u nau hna le sangkip in bochan mi upa tam pi an i tel ve.). Lo ngei caah Upadi ning tein liam piak a si lai. Cu lawng si loin tangka a dang te in chap piak a si rih lai. Innhmun ṭha a lak tein pek cio an si lai.Lo ngei vialte an caah tlamtling tein bawmhnak an hmuh khawhnak hnga anmah aiawh in kan dirkamh ve hna lai.Halkha a cawisangtu le Chinram a ṭhancho tertu ding Nawi Dam (Rili fate) tlamtling tein kan tuah ṭuan khawhnak hnga i bawm cio u sih. Credit:Pu Thla Hre