GOOD NEWS: CBCUSA NIH CDM CAAH AKUATMI CU ATAM TAKTAK

Thawngpang tthatuk CBCUSA nih thanhnak an tuah cang. CBCUSA nih CDM caah tam taktak bawmhchanhnak an tuah. Kawlralkap nih february nikhat in uknak or nawlngeihnak an lak hnu ah ramchung mipi hna cu buainak phunphun an tong cio hna. Ralkap nih uknak an lakmi duhlonak cu hmunkip kaakip ramchung siseh, ramleng tiangin lamzawhnak an tuah hna.

Kanmah Chinram chung zongah zeirian ttuan kho loin kawlralkap nih uknak an lakmi cu biatak tein doh cio asi. Hi lamzawhnak ah cozah rianttuantu zong rianttuan tiloin lamzawhnak ah minung tampi an i tel. Culawng siloin sizung rianttuantu Sibawi te hna zong nih an rian an ngol ve i, ralkap uknak lakmi cu mah le dirhmun cio chuahtak in an doh hna.

Ralkap nih uknak an lakmi biatak tein doh ahauh caah, ramchung ramlengin biatak tein pakhat le pakhat i dirkamh le i bawmh lulh ahauh cuahmah lio caan asi. Hi konghe pehtlaiin CDM caah tiah CBCUSA nih US tangka in singkhat (tingkhat) bak bawmhnak an pek cang. Mah bawmhnak pekmi zong kuat a si cang tiah an langhter chih.

Image result for hakha cdm

CBCUSA nih bawmhnak an kuatmi konghe pehtlaiin CBCUSA, GS a simi Thlaawr Bawi Hrin nih CBCUSA nih CDM caah US $ singkhat (100,000) tingkhat an kuatnak kong a mah facebook ah alanghter. Avoikhat nak lawng asi rih. Lungrual tein CDM ah dir usih. Pathian nih aa kan umpi ko tiah alanghter chap. Kan umnak hmun cio in CDM dirkamh cio hna usih.

Image result for hakha cdm

Ralkap Hi Cu An Rak Sual Ko. Apoi chin lengmang ko cang, Aung San Suu Kyi cu kawlralkap nih case dang in sual an phawt tthan cang. Tutan case thar an chapmi in Aung San Suu Kyi cu case pahnih angei cang tinak asi. Tutan ah Aung San Suu Kyi sual an puh tthannak case hi Covid zawtnak khamnak phunglam he pehtlaiin sual an phawt tthan. Atu phunglam hi khuacaan konghe pehtlaiin phunglam tuahmi section 25 nak hmangin a si.

Tuan deuh ah Aung San Suu Kyi cu chawnh biaknak thilri, permit um loinn aa chiah ruangah export and import law hmangin sualphawt arak si cang. Tutan ah sual an phawtnak case konghe pehtlaiin Aung San Suu Kyi nih zeibantuk phunglam khoika zawn dah akalh timi tucu an langhter chih lo. Asinain thimnak tuahlai Campaign hrawnghrang lio asi lai tiah an zumh.

Kawlralkap nih sual an phawtmi cungah apalh ko tiah biachahnak an tuah asi ahcun Aung San Suu Kyi cu kum thum chung thongthlak khawh asi. Nizan ah khan Suu Kyi le President U Win Myint cu video hmangin biaceih hram an thok hna i, March thla nikhat ah khin an bia an caih tthan hna lai. Suu Kyi case dang an pek nain president tu cu pek chap asi lo tiah an langhter.

 

Be the first to comment

Leave a Reply

Your email address will not be published.


*