FIANG TEIN SALAI LIAN LUAI KONG AN LANGHTER CANG

Salai Lian Luai kongah fiangtein an vun langhter. India ram thawngzamhnak pakhat a simi PTI News Agency nih Salai Lian Luai konghe pehtlaiin an langhter. Tuan deuh an rak langhter ko cang nain atu an langhtermi hi a tlam atling bik ko rua tiah kan ruah caah kan vun langhter tthan. Chin State Chief Minister asimi Salai Lian Luai cu nizan ah khan Mizoram Champhai ah ralzam in arak lut tiah theih a si.

CM Salai Lian Luai cu zapi nih kan theihcio bangin kum 2016 in Chin State Chief Minister rian a ttuanmi a si. Ralhrang kawlralkap hna nih hramhram in nawlngeihnak an lak lio ah Salai Lian Luai cu inn ah lengchuak kho loin an erh. Asinain tuan deuh rak thlah an si hna. Thawngthanhnak an tuah bantuk in Salai Lian Luai cu ralzam dirhmun in Mizoram khuapi chang a simi Champhai ah ralzam dirhmun a rak phan tiah an langhter.

Hi konghe pehtlaiin ralhrang nih nawlngeihnak an lak hnu ah Mizoram ah a rak zaam mi hi minung 9247 an si hna. Atu ah hin Salai Lian Luai le MP attuanmi hna minung 23 hna cu mizoram ah an zaam cang hna. Tutan ah Chinram hruaitu Mizoram ah a zaam mi hna hi NLD chungtel deuh an si hna. Hi chungah Chin Affairs Minister caah thimmi hna zong an i tel tiah an langhter.

Hi konghe pehtlaiin thiamthiam in Mizoram Home Department official hna nih an chim ning ahcun hruaitu lutlai minung 24 hna cu thatein zohkhanhnak an pek hna tiah an langhter. Ralzam dang hna cu pengkip ah hibantukin an um cang hna tiah theih a si. Aizawl districk ah hin minung 1633 an um i, Lawngtlai ah minung 1297 an um. Cun Siaha ah minung 633 an um i, Hnahthial ah minung 478 an um.

Cun Lunglei ah minung 167 an um i, Serchhip ah minung 143 an um. Saitual ah minung 112 an um mi Kolasip ah minung 36 an um. Khawzawl ah minung 28 an um. June ni 14 ah Farkawn khua ah ralzam a rak lutmi thar mi hna hi an langhter hna lo. Mizoram ah a rak lutmi Chin ralzam hna cu thatein zohkhanh an si hna i, an harhmi buaipi an si tiah an langhter. Hi konghe pehtlaiin Pu Zoramthang nih zong nih nizan ah ralzaam hna cu bawmhchanhnak tuah colh an si lai tiah thanhnak a tuah. Credit: TOI & NTDV

May be an image of 1 person

Relchih:Biaknak phaisa hi miphun le ram ca zongah kan hman ve awk a si tiah ka ruah. A tawi fiang nak in ka tial lai. Miphun le Ramkhel a thawknak Pathian nih Volei cung minung a ser hman sa bik mi cu a dam pakhat long a ser hman sa cun a hnu ah a dam hawi kom caah Evi a ser than i a dam le evi nih cun fapa an ngeih hna i Kain le Abel an ngeih hna i cun Kain nih fapa a ngeih than i a min ah enok cun enok nih fapa a hring than i a min ah Irad cun Irad nih fapa a hrin than i Merujael mah ti cun adam le evi te fa hna cu vawlei cungah an karh langmang.

I, Noah chang tiang cun Noah chang in volei cung minung cu kan karh ching langmang i a hnu ah cun nu hring khat pa hring khat a si mi unau rual le chungkhat cing la rual chan kar ah i hmuh thiam lo nak le i rem lo nak tete a karh ton caah um nak hmun hman ram an ni cuh ton hna i an ni doh an ni thah hna.volei cung tuan bia le baibel zoh tik ah i tuk i doh i thah nak kong zoh tik ah mah uanu chuak ti khat le chungkhat i doh i tuk le ram i cuh i doh i tuk i thah hi a tam bik caah mah cucu ramkhel tiah hmuh khoh asi. Chin miphun nih chin ram kan ven ding a si ve.

A cung lei ka tial mi khi a tawi fiang nak in ka vun lak ter mi asi. Biaknak kong zoh than hma uh sih. Vawlei cung minung kan sual tuk cang caah pathian nih minung a kan ser mi hmanh a ngai chih ti a si. Mah ti cun volei cung minung kan sual tuk caah pathian nih thiangthlarau in minung pumsa lanh in pathian nih a fapa cu volei cung minung an sual ngeih chih nak ding ah din fel nak cawn piak ding ah pathian nih a fapa a rak thlah.

Mah ti cun vawlei cung ah pathian fapa jesuh nih cun ding fel nak le rem nak kong cu minung hna sing ah a kan cawn piak i jesuh nih a si nain mi cheukhat nih jesuh cawn piak nak cu pakhat hmanh an zum lo i an zul lo mi sual mi tha lo zong nih sual a tuah mi kha a ni hmu kho lo mi cheukhat nih jesuh cu an zumh caah? Vawlei cung ah jesuh a zum mi le a zum lo mi i doh i tuk i thah nak a chuak i ni hin ni kan mah chan tiang ah kawl ralkap nih kawl ram khrihfa miphun an kan doh a kan thah ve.

Chim duh bik mi cu miphun le ramkhel a thawk nak kan baibel zoh tik ah miphun i tanh ram i cuh kha a si ko mah cucu ramkhel tiah ti a si. Cun biaknak kong kan zoh than tik ah a nung mi Pathian a zum mi kha a zum lo mi nih tuk le doh le thah kan tong hlei ah kan biak mi khrihfa biak nak zong zalong tein biak nak nawl a kan pek in an kan onh lo caah kan nih khrihfami zong nih kan biaknak zalong tein biak kan duh ah cun ram mui pawl ram le minung thinlung a keng lomi dohnak ah biaknak phaisa hi hman i khrihfa ram kauhnak le khrihfa biaknak zalong tein biak khohnak caah biak nak lei phaisa hi kan hman awk hrimhrim ding a si ko tiah ka hmuh.

Jesuh nawl bia tling tein ka zulh lai kan ti ah cun ram mui biak nak dang miphun dang sin ah khrih thawng tha va chim i va ai pi ding? Kan upa pakhat nih a chim mi cu pastor te zong kan ram a that lo ah cun phungchim nak nawl le cawng piak nak nawl cu nan ngei kho ve lo a ti mi kha a hman tuk mi a si a tu tan ah kawl ralkap nih uk nak an lak mi hi kawl ram mipi nih kan tei lo ah cun kawlram chung a um mi khrihfa miphun cu kan biaknak lei ah rengh le dih chih kan ton chinchin lai ti cu a fiang tuk.

Atu tan kawl ralkap an cawl canh hi zoh tik ah Ni hin news pakhat ka rel mi cu kaya piny kaya ram ah khrihfa minung thim in an thah mi hna minung hi an tam tuk hlei ah khrihfa biak in thengtheng hrawh le mei in duah a si an ti. Mah nak in hmai lei ah khrihfa miphun nih kawl ralkap kut in kan tuar rih ding mi khi hei tuak ve hmanh uh?khrihfa ram kauh le zalong tein um kan duh ah cun biak nak lei in fak pi in cawl canh a herh.

Chim chap ka duh mi cu khrihfa pastor le Evan nih baibel kan rel tik ah miphun le ramkhel le biak nak hi then awk a tha bak lo mi unau chuak ti khah le arsa ei ti khat te bak an si nak hmuh khoh kan zuam piak uh law a chung muru hi na kan pemh piak khoh nak ding fak piin kar kan hlan piak hram uh ti hi nawl kan in duh ko hna. Kawl ralkap uk nak hi kawl ram pi huap in cun kawl ram mipi nih fawi tein kan tei khoh rih lai lo kum can saupi rau rih dawh a si caah chinram lairam koko ah cun kawl ralkap tei khoh an si.

Chin miphun kan lung a nget i hmun khat te ah kan tan ti ah cun chin ram lai ram ah kawl ralkap kan tei hrimhrim lai i chin ram ah kawl ralkap kan tei hna ah cun AA yakhang miphun bantuk in kawl ralkap nih a kan tih lai i O Wah miphun bantuk in kan mah tein i uk nak zong kan hmuh ve lai caah chin miphun kan lung a nget dih a herh bik.

NUG cozah zong hi chin miphun nih kan lung chung ah chiah tuk ding a si lo kan duh bik mi cu chin ram ah kawl ralkap tei hman sa kha a bia pi bik. A dongh nak bik chim ka duh mi cu Biak nak hi zei in dah a thawk ti ah cun? Biak nak hi a sem nak a chuah nak a u le a cung lei zoh tik ah miphun le ram khel in a thawk mi a si ti hi phlih hna hlah uh sih A cung lei ah a tawi fiang nak ka lanh ter cang. Mah hihi kei mah hmuh ning a si le ka palh sual a si le na palh ka ti te ko uh. Credit: PT Satu

Be the first to comment

Leave a Reply

Your email address will not be published.


*