FIANG NGAI IN KAN RALKAP CNA HNA MUAL AN LIAMNAK A LANGHTER

CNA kan pasaltha an thih lengmangna. Raltuk strategy hi mino ahcun a thiam mi an um pah ko nain pu tar a uk tu pawl hna hi zei hmanh thiam mi an nei lo. An mah an no lio i pathum li tete in an rak vahvaih lio ah khan an ruah peng. Guerilla Warfare (Piohcia) style an ti i, ralkap voi khat hnih kah i mah ngal loin zaam kha a tu kan putar pawl an no lio style cu a rak si.

Cucaah a tu ah bawino tete hruainak in ral an tuk ter mi hna zong ah hin pali nga taktak lawng bak in an kal ter hna. PUBG game raltuknak hmanh ah minung pali team tuknak hmun i kan team member pakhat khat nih a kan chuah tak ahcun sungh nih a kan hmel ti cu kan fiang colh ko. Team dang pawl pali an si cio nak ahcun mah lei zong pali kan tlin lo ahcun sungh lai theih tuk buin kan lut ko.

Cutluk a si mi cu a tu kan pu tar pawl nih hin bawino pakhat hruai mi ah hin minung pali nga te lawng in an pek hna. Cucaah Ralkap a tlawm bik panhra in a cung lei a um peng mi va kah cu a har tuk cang.Fim cuh le theih cuh cheu khat nih cun CNA minung 15 hrawng nih ral an tu bal nan van ka ti lai.

Nain ka theih dih. 15 team lole 30 team in an kal zong ah ralhmun taktak an phak lai ah khin minung pali nga team tete in an i țhen țhek dih… Cu style cu a tu putar a uk tu pawl hna style cu a si caah a si. Cucaah pakhat le pakhat zong an i cover (ven) piak kho ti lo. Thih țih loin hmai lei deuh a fong mi an thih sual ahcun an ruak lak piak tu zong an um ti lo.

An kam a thi mi a um hmanh ah pahnih thum tete lawng in an um caah a i cawithlir kho ti lo. Cucaah an zam tak ko hna.A tu lio le a tu chan zong ah si seh, a hlan chan zong ah si seh, Ralkap tha zaang tam pi he i hlum țhipțep tein ral ramh thiam mi lawng nih mi an tei khawh.

Kan putar pawl ruah nak ahcun Bu khat minung tamtuk an kal ahcun Bomb nih a tlak hnawh sual hna ahcun voi khat thih ah tam tuk an thi lai ti a si. Nain a palh cikcek…. I hlum kan ti ko bu zong ah pe khat dan in an um lai ti nak a si lo. Pe ruk dan hrawng in an um i, Ralkap pali nga kha cu a man hmanh an mang ngam ti lo.

A ruang cu mit a tam cang tik ah pakhat a van man i kah a van timh hna ah mit pa riat nih a hmuh cang caah an hei suai colh i an hloh peng ko hna.Minung tam deuh kal ahcun sakhan fatete cu lak chih colh zawng a fawi tuk i, kuan nih le tam tuk te an rak neih tik ah a hlawk ngai ngai.

Minung tlawm tete in kal paoh ahcun sakhan zong voi khat hmanh lak khawh bal lem lo ah kan mah pasaltha lei lawng an rak phil lengmang hna i ngaih a chia ko.Zei bantuk uniform ai hruk mi paoh hi tlawm te an um nak ahcun hro zong an kual bal tung lo. Mit pei an kem ko cu. Tampi an um nak lawng ah pei hro an kual i ral zong an hip khawh ko cu. Credit: Jacob Paul.

Be the first to comment

Leave a Reply

Your email address will not be published.


*