FALAM PENG KHUA HNIH RALZAAM DIRHMUN IN AN UM

Falam Peng kahdohnak ruang ah pawngkam khua khua hnih ralzaam dirhmun in an um.2021 July 20 Falam peng chung CDF ralkap le SAC ralhrang (mithat phu) kahdohnak ruang ah pawngkam khua a si mi Tlangzar le Tal khuami hna cu ralzaam dirhmun ah an dir tiah tiah theih a si. July 20 ni ahhin suimilaam 3:00PM hrawng ah voi khat le suimilaam 5:30PM hrawng ah voi khat a si i hi kahdohnak ruang ah minung a thimi le aa hliam mi fiang in theih a si rih lo tiah kan theih.

Khuami an zaamnak kong he pehtlai in khuami pakhat nih, “Mah khuale ram zaam tak hi kan i tim lo. Asinain, atu lio SAC ralhrang sining hi cu mizapi nih kan theih dih cio. An hmuh mi poh tlaih le hrem le tukvelh an si tik ah khuachung mi nu le ngakchia ca ah kan ruah i kan zaam hi a si. An i kahnak hi kan khua he aa nai te. Zeitik tiang kan um lai kan zaam lai ti cu chim a har,” tiah a chim.

Hi kahnak hmun ah a ra mi hi an dihlak ah buakthlak in minung 80 hrawng an si tiah khuami nih an chim. Atu khua chuah takin a zaam mi khua hna hi an khua hnih fonh in minung 500 tluk an si tiah kan theih. Cun, khuami hna chung in minung pahnih an thawngpang theih a si rih lo. SAC lei nih an tlaih hna i si lai tiah khuami hna nih an zumh.2021 July 21 tuzing suimilaam 7:30 Mindat CDF ralkap le SAC ralhrang kar ah kahdohnak a chuak ve tiah theih a si. Credit: The Hakha Post

May be an image of body of water and tree

Thawngpang dang:Kawlram ah Kum 77 asi cang mi tarnu pakhat cu covid zawtnak in damnak tlamtling a hmu. Adamnak konghe pehtlaiin mipi sin ah a chungkhar a fale hna nih an chimmi cu kapi a dam lo hnu nihnih ah thilrim a thei lo. Thilrim a theih lo hnu in rawl zong a ei duh ti lo i, lungdong ngai in a um. Kannih a chungkhar pawl zong kum upa a si cang tikah kan thin aphang tuk ve.

Rawl a ei khawh lo tikah a bik in kan thinphan a zual. Cuticun thil a si tikah kan chungkhar inn ah a ummi hna le ramdang ah a ummi tiangin kan pi cu lungdong lo dingin kan forh fial peng i, aa nuamh khawhnak dingah biatak tein kan buaipi. Cuticun kan tuah i rawl zong tlawmpalte a vun ei kho. Cu hnu zongah a si khawh chungin capo hna kan tuah pi i, ei le din zong thaazang a ummi kan eipi.

A dam lo ka in Bird’s Nest (Ngat Teih) nifatin kan pek. Cun Nutriviata nikhat ah mum khat kan pek i, Vitamin C 500mg nikhat mum khat le Paracetamol 500mg nikhat ah mum hnih kan pek. Atak a sat ning hoih in nikhat ah mum thum kan pek caan zong a um. Axithromycim zong nikhat ah mum khat in nithum chung kan pek i, nifatin Oxygen level le a khuasik kan tah peng.

Lungnuam tein a um khawhnak ding le rawl ttha tein a ei khawhnak dingah nifatin kan buaipi. Atu ahcun thilrim zong a theih cang i, covid zawtnak in a dam cang. Khat lei ahcun amah zong adam khawhnak dingah aa zuam taktak ve. Curuangah damlo midang hna zong nan dih lak in zawtnak nan ngeih thok in ka dam lai timi ruahnak ngei uh. Kan dihlak covid zawtnak kan tei khawh dingin i zuam cio hna usih tiah a chungkhar hna nih an chim.

Cabia dang: Laimi caah paral ttha ( Hero ) Rev.Thawng Tha Thang, Hi tluk Covid ral ttih a nung mi ah miphun a daw i ,a ral zong a ttha mi le Samaria mittha pa bantuk in a nunnak a ngeihchiah ,a fim a thiam nak kha midang caah hman a duh mi le Covid ral a tu cuahmah mi Hero Rev:Thawng Tha Thang caah kan zapi thlacam nak in bawm ve hna uhsih.Pathian nih a um pi i damnak he Laimi caah le midang caah bochan mi sizungzal ko seh.

Meithal in raltuk long khi raltthat a silo ,Covid ral mah tluk ttih a nung mi ah chet tiah miphun caah ral a tu cuahmah mi Rev.Thawng Tha Thang hi Laimi kan Hero cu a si ve ,miphun caah le midang caah a ttuan nak ah kan Pathian nih zohkhenh sehlaw a inn chungkhar an zapi caah kan zapi thlacam in bawm ve hna uhsih. Rev.Thawng Tha Thang upat nak kan pek ve By, A Le Nichin.

Be the first to comment

Leave a Reply

Your email address will not be published.


*