FALAM MINO AN CELH TI LO, AN MAWH BAK LO, LUNG A FAKTUK HRINGHRAN

Ralhrang Kawlralkap Min Aung Hlaing hruaimi Ralkap Council nih Falam Thlanlung pawl an hrawh mi ruang ah Falam CDM Supporter nih ralrin peknak le tlerhnak fak ngai in an tuah ve cang. Kawlca in an tial mi, Hakha holh in ka rak leh chin mi asi. Falam holh in an tial mi tucu a taang te ah a dang tein copy kan tuah tthan.

May be an image of outdoors, monument and text that says "白 PI NO TIN ȚIAL SHOT ON REDMI NOTE5 MI DUAL CAMERA."

Kawlca in an tial mi ah an langhter mi cu “Chin miphun kan nunphung ah Thlanlung, Lung Catial le Lung donh timi hi kan upat, felfai tein kan zohkhenh mi le kilven mi asi. Chin miphun kan nunphung nih a upat tuk mi Thlanlung, Lung Catial le Lungdonh pawl cu a hmasa a umnak in hmundang ah tthial kan duh hmanh ah, Lai phung tein Thisen luannak kan tuah, Sathil kan thah i cu Sathil thisen cun upatnak le thianhnak tuah hnu ah hmundang ah thial a si tawn” tiah an langhter.

May be an image of outdoors

Cun an peh rih mi cu “Cu bantuk in Chin miphun le kan nunphung nih a upat tuk mi cu Ralkap Uico nih zeihmanh ah rel loin, Falam thlam hmun ah a um mi Thlanlung 52 cu nan hrawh dih. Cu caah kan upat tuk mi nunphung, Thlanlung le Lung catial zeirel loin nan um i nan hrawh dih caah, kan mah Laiphung tein thianhnak kan tuah tthan lai. A si nain tutan ahcun nan mah Uico ralkap thisen in kan thianh lai,

May be an image of outdoors and tree

Uico Ralkap pawl nan hngawng ah Namte in kan i ah hna lai, nan Hngawng in a luang mi Thisen in kan pipu hna thlanlung nan hrawh mi cu upatnak le thianhnak kan tuah lai. Nan hrawh mi Thlanlung ah rak vui cang mi thimi ruah cio an thla le Falam khua mi hna i bawm in kan i rat hnawh hna lai, nan thisen in nan hrawh mi Thlanlung kan thianh tthan lai” tiah fak ngai in an langhter hi asi.

May be an image of tree, sky and text that says "SHOT ÛMAX ON MI MAX 3 MI DUAL CAMERA"

A taang hi cu Falam holh in a tawinak in an tial mi asi i copy kan rak tuah chin tthan. Falam holh in an tial mi “Sa Thi Kan Luan Ding” Laimi in kan Lai daan ah Thlanmual thawn pehpar in daan kan nei. Thlanmual le khan cu remthat ding a si ah maw, thiatbal ding a si ah maw, Sa thi lawn/luan in tuahsuak theu a si. Cui’ daan cu Laimi ih misual bik kan timi khal in pahbal dingah an ruat ngam dah hrimhrim lo.

May be an image of outdoors and monument

Curuangah, tui’ tum Canmary veng ih ummi Thlanmual 52 in siatbalsak mi parah nan mah rori ih thisen luan a tul ding!A na tuk ti ah ti leh hlah uh! Lairam ah nan um ih Lai daan nan pahbal ruang ah Lai daan vek in nan par ah a thleng dingmi thil a si ih nan siatsuahmi thlanmual 52 kiltu Khawsia pawl thawn nan siatsuahmi thlanmual remtha sal dingih nan thisen luan dingah kan ra pok cing ding.

Be the first to comment

Leave a Reply

Your email address will not be published.


*