DR.SASA SIN AH BAWMHHALNAK CA A KUATMI CU LUNG AHMUI HRINGHRAN

Dr. Sasa na sin ah bomhhalnak. Na theih cia mi le na hmuh cia mi a si ko nain vun nawlh than ka duh ko. Kawl ralkap tupung damiah Min Aung Hliang phu nih kawl ram mipi cu thah dih le nawn dih a kan timh caah mah pumpak vennak ding ah hriamnam pakhat hmanh kan ngeih lo caah kan inn pa ram Thailand le India ah a zam mi zong zeimawzat an si cang hna.

Thailand ralzam cu Thailand cozah nih him tein a kilkawi hna i khat lei cun hna a ngam deuh. A mah belte india cozah sin ah a zammi mi cheukhat kawlram mi CDM pawl cu india cozah nih a tleih hna i kawl ralkap tupung sin ah a kuat than hna ti mi kan theih tik ah kawlram mipi kan ngeih a chia i kan lung a fak.Kawl ralkap tupung nih CDM siseh mipi a tleih mi hna hi a thah cang mi hna zong zeimawzat an si lai ti zong zumh a si.

Cun pin ah palik le Kawlralkap CDM a lut i Min Aung Hlaing nih a tleih than mi hna hi cu a mah tupung sin ah a tuanter than hna lai i kawlram mipi a kan that tu ah a ser than hna lai ti zong zumh cio a si.Kan mah te hna nih kan au kan khuang lennak cha cun nangmah Dr. Sasa pakhat nih voikhat na chim mi hi a let tam tuk in hmual a ngeih caah na sing ah ca kan kuat nak a si.

Nang cu Chin mi, Lai mi na si ko caah Chin media, lai media group hi na hman ko lai caah ka ca kuat hi nan hmuh khawh ko lai tiah ruah chan nak ka ngei. Dr sasa pathian nih in huh phenh peng seh law nan rian tuan nak ah Pathian nih in um peng ko seh. Credit: PT Satu ( CHINLAND DAILY NEWS)

Thawngttha: Nihin (03/19/2021) ah Indianapolis khua i a ummi Mimi Restaurant ngeitu Pu Thawng Mang le a chungkhar sinin $5,000 siseh, IU Bloomington i Sushui dawr ngeitu Pu Thang Khar le a chungkhar sinin $4,000 siseh Emergency National Security Funds (ENSF) caah an rak pek rih. An cung ah kan ni lawm hringhran. Indianapolis khua ah kan miphun chung in Restaurant le Business ngan ngan a ngei mi tampi an um i, anmah belte cu kan leng kho rih hna lo.

An sin zong in kan miphun a himnak ca i Emergency thil a si caah tam pi ruahchannak kan ngei hna. Vawlei cung kaakip a um mi kan miphun hawi le dang zong nih kan ram ca i, nan siaherhnak a kaa kip ah nan rak langhternak thawngpang kan rak theih i kan ni lawm.Burma ram ah a um mi miphun lak ah, Kawl le Miphun dang pawl nih santlai lo bik Chin miphun tiah an rak kan ti tawn mi kha tutan hrimhrim ah hin zeitluk in dah Chin miphun kan lung aa rual i, kan miphun kan dawt ti mi langh ter chin chin hna uh sih. Credit: Daneil Sakhong.

Be the first to comment

Leave a Reply

Your email address will not be published.


*